唔敢評價參賽者?周柏豪爆與張敬軒合唱《櫻花樹下》感受

小眼睛看大娛樂 於 18/04/2021 發表 收藏文章
「藍神」周柏豪有份擔任《聲夢傳奇》的導師,現時節目播至第二集,他就遇上自己的「成名作」《櫻花樹下》,他曾經於2013年其紅館演唱會中與歌曲原唱者張敬軒合唱,大展魔音,牽強地唱出「去到今~~~天」,周不時都會被網民重提。

首位上場的參賽者冼靖峰(Archie)唱《櫻花樹下》,他一唱完就表示覺得自己演唱前段時不太穩定,柏豪就話「呢首歌曾經都考起過我」然後在旁的李克勤哈哈大笑,「軒仔叫我將難唱嘅位畀晒佢,因為呢首歌係屬於佢,佢嚟演唱會幫我做嘉賓係減輕我嘅壓力,但係出到嚟真係增加咗我好多嘅壓力。」柏豪就未有點評冼靖峰的表現,抑或未有播出他的部份?Gin Lee後來就講到冼靖峰在模仿張敬軒,建議應該找回自己的特色,而參賽者最後以十四盞燈「過關」。

至於周柏豪當年的表現就應該四盞燈也不如!他先開口唱「樹蔭有一隻蟬 跌落你身邊⋯⋯」當唱到「去到今~~~天」時,唱得十分牽強,明顯在唱不合自己音域的歌曲。當原唱者軒仔出場,他駕輕就熟地接唱歌詞,後來周柏豪好像如釋重負或是尷尬地「唉~」了一聲,畫面相當有趣!

柏豪今次就未有評價參賽者的表現,又或者自感未有資格,他就有重提當年與軒仔的合唱的感受,是希望獲得獲得樂迷「原諒」嗎?早前軒仔參與TVB《勁歌金曲》錄影時,都有網民笑言希望聽到他與柏豪再次合唱《櫻花樹下》呢!

留言


請按此登錄後留言。未成為會員? 立即註冊
    快捷鍵:←
    快捷鍵:→