馮盈盈爆Mina先係港大校花,有望成為封后熱門?

小眼睛看大娛樂 於 26/06/2019 發表 收藏文章
日前舉行嘅香港小姐首輪面試,楊慧敏 (Mina)以「馮盈盈同學」(香港大學食物及營養學系)身份參選,又有可愛嘅外表,尚未成功入圍已經因為被指與AV女優麻倉憂,而受到唔少關注!

圖上為楊慧敏 (Mina):

日前馮盈盈接受記者訪問時,當然都有被問起同學Mina參選香港小姐,馮盈盈就指當時參選被封為「港大校花」,但其實校花係Mina(Mina都曾經奪得大專學界校花),而自己其實只不過係「食營校花」呢!


既然Mina 係盈盈口中嘅港大校花 (雖然係見仁見智),會唔會令佢可以接馮盈盈棒,而成為新一屆香港小姐冠軍呢!(有網民都話:「直接畀冠軍佢算啦!」)

小編就為各位整理出幾點兩位有幾點相類似嘅地方:

1) 面試衣著簡潔

馮盈盈當年選擇以一條米白色連身裙,裙上附有黑色腰帶,輕露事業線得來又唔會太過火,同時令肌膚更為顯白,大方又得體!


而無獨有偶,Mina 都係選擇一條有黑色腰帶嘅連身裙,不過裙嘅顏色就係白色,上有印花圖案,不過都有一個「機心位」,就係有一部份若隱若現嘅小透視呢!


2) 曾擔任Model

馮盈盈喺參選香港小姐前曾經擔任過不少展覽、Road show嘅模特兒,而Mina偶爾都會接下模特兒工作,在鏡頭前大擺心心手、單眼等甫士。


3) 被指似某日本女星

除咗Mina被指與AV女優麻倉憂似樣外,其實馮盈盈當時會見傳媒嘅時候,當時已經被傳媒、網民指為「港版新垣結衣」呢!


小編呢幾個相似點真係有機會令Mina成為冠軍大熱門,先講衣著方面,穿著得體的話已經可以成功喺評判(同埋網民)眼中留下好印象,自然負評都會相對減少。至於曾經做過model,就相對勇於面對鏡頭,擺pose又更能得心應手,相對會較其他佳麗容易搶鏡!另外,「被指似某日本女星」呢個都無壞,起碼都比較多有趣嘅話題(起碼唔係被大爆黑歷史)。

Ref: Instagram、on.cc東網


標籤: 馮盈盈  Mina  香港小姐  楊慧敏  

留言


請按此登錄後留言。未成為會員? 立即註冊
    快捷鍵:←
    快捷鍵:→