Dodo姐分享黑白寫真，借C君暗寸陸永？

鄭裕玲 (Dodo姐) 早前就曾經喺Instagram上分享同組合農夫拍節目嘅花絮相，其中Dodo 姐特別開post 專稱同行嘅陸永為「陸大師」，指其攝影技巧令人相當難掌握，又分享其中幾張由陸大師拍攝的相片，其中一張只focus喺Dodo姐身後嘅大橋，而令相片正中央嘅主角Dodo姐失焦，「陸大師」另類嘅拍攝技巧，相信都「錯有錯著」地為大家帶來歡樂呢！



Dodo姐不單止在Caption上「單打」陸永，「原來我呢世人都唔識影相！Focus 是要放在後面的，這樣相中人才有朦朧美！此種攝影方式相當難掌握，本人正在努力學習中！」日前就再post 出由C君所拍攝的作品，更附有hashtag「#隨便影」，不少網民留言指「高下立見......」、「有比較就知」等大讚C君，又揶揄C君身型比較矮小先可以拍攝出最佳人像。


其實Dodo姐同農夫兩位成員經常合作拍攝節目，應該都抵得住呢一類型嘅網絡「公審」，而且各位觀眾無非都係想睇佢地互串寸呢！反而令人更加期待呢一個節目嘅播出呢！

Ref: Instagram