港姐鄧卓殷被傳整容,疑被「舊同學」喺IG大踢爆?

小眼睛看大娛樂 於 31/05/2019 發表 收藏文章
上年香港小姐亞軍鄧卓殷(Amber)近日就被指成為郭子豪同女友間嘅「小三」,又被網民喺討論區上post 出不少疑似係鄧卓殷學生時期嘅相,當時國字臉,有別現時臉尖尖,就被不少網民質疑佢有整容!日前Amber 出活動時,已向媒體表示自己係曾經箍牙,又表示舊照中嘅佢係無修眉、無化妝,所以先被誤會成「整容」呢!


一眾網民在「連登討論區」post 出鄧卓殷的舊照,有網民更「眼利」地指出Amber「個鼻整到」、「點解化妝打扮之後真係差咁遠」、「似係割雙眼皮」、「盾牌鼻」等等,又指「原本覺得佢幾好,依家不了」、「相比之下麥明詩讀書個樣都冇差咁遠」.......通通直指Amber同依家唔同咗樣!


直到今日下午,Amber 喺Instagram 上分享尋日出席香港小姐2019宣傳活動時所影嘅相,post下依然受到不少網民狙擊,指佢係「小三」、「整容」,更質疑佢近日有不少花邊新聞,如何代表氣質高貴嘅香港小姐呢?
loading



當中更有一名網民在留言中自稱係Amber「舊同學」提到「整容后去參選,連我地啲舊同學都唔知原來有個同校生做咗港姐」,又在留言內tag了TVB官方Instagram 呢!


未知呢位「舊同學」會唔會有更多料爆呢?雖然Amber已經連聲否認自己有整容,但近日Amber都算係繼黃心穎後另一位有充滿負面新聞嘅香港小姐,未知TVB選今屆港姐入圍佳麗時會唔會更加慎重呢?

Ref: Instagram、連登討論區


標籤: 鄧卓殷  香港小姐  TVB  

留言


請按此登錄後留言。未成為會員? 立即註冊
    快捷鍵:←
    快捷鍵:→