傻強偕《愛回家》兄弟開生日會，網民：憑咩收$350？

自《愛．回家之開心速遞》當中「大學線」嘅骨幹人物「安凌強壯」四子中的傻強（馮奕森 飾）一角早前被foul 出劇組，劇情只係交代傻強去西伯利亞留學就草草了事，就惹來不少劇迷追問傻強會唔會有機會回家，又表示「掛住傻強」！


傻強呢個角色已經離開《愛回家》劇情大約3個月，可能見大家太掛住佢，又正值生日，4月中開始就已經陸續喺社交平台發帖公布生日會詳情，但喺處理上就惹來唔少討論、非議！

生日會海報方面，本身4月中公佈嘅時候係「馮奕森529生日會粉絲見面會」，海報上只有傻強一人，但後來去到5月中就加上劇中好兄弟周嘉洛、吳偉豪。唔通係因為佢自己一個人嘅叫座力唔夠，所以就要搵好兄弟撐場？（睇翻第一張海報post 出至今累積都有39則回應，又唔算係好差）


不過，第二張海報嘅帖文內就提到「如果佢地到時真有工作，黎唔到，唔好話我呃你地呀！」又提到「我保證有我」，又附上二維碼以方便內地嘅粉絲報名......（唔通真係唔夠報名人數？）

雖則生日會已經過去，但佢Instagram 上仍存在生日會嘅報名連結，又有網民指生日會嘅入場費為$350 呢！


根據傻強Instagram story 上嘅分享，以及被tag嘅相當中，當日有「凌凌」吳偉豪、「George」張明偉現身，又有組合 C allstar 嘅King，都叫做有「朋友」嘅！


網民回應：


其實不少藝人都會舉辦生日會，只係因為「傻強」唔係電視台嘅一線演員，就被形容為「索價」、「高價」，如果係粉絲就會覺得值得呢！或者下次再舉辦粉絲聚會嘅時候，可以遲d先公佈嘉賓名單，就可以畀到大家一個驚喜呢！

Ref: Instagram