《東張》追訪中學勒令32度熄冷氣，學生挺而拆穿真相！

上星期有元朗中學校長因為不滿意學生炎炎夏日都著上冷衫，然後就下令除教員室外，其他地方一律禁止開冷氣，此舉受到不少人所非議，直指校方「無人性」、「唔尊重學生意願」！

《東張西望》外景主持游莨維就訪問涉事中學的學生，學生指記得當日天文台顯示氣溫為攝氏32度，校方就開大咪宜佈如果見到學生著上冷衫的話，就會馬上將冷氣關掉。同學又表示估唔到校方真係「嚟真」，馬上關掉冷氣，又派老師去課室巡視，「只要見到有學生著冷衫，都係會熄冷氣」。

其實自事件在社交平台上被爆出後，校方翌日已經作出解釋，指熄冷氣原因為：

1. 擔心學生在炎炎夏日中暑
2. 校方在午膳後下午1:35-2:10會關掉冷氣，盡量打開門窗，以令飯菜味道消散

受訪學生表示校方通知下午1點會熄高中學生嘅冷氣，皆因正值學生外出用膳嘅時間。但受訪學生就表示其實唔係好多學生會外出食飯，校方都只係想提高資源運用。學生就表示係「一刀切」！

學生其後又指學校其實一直都好鍾意做環保工程，校內會有「假草皮」，學生就直斥「多餘」，更有可能會滋生蚊蟲！主持都有再聯絡校長，可惜未能成事！
全片：


小編係一個比較怕熱嘅人，如果喺呢間學校讀書就應該頂唔順。校方呢一次「熄冷氣」嘅行動又確實太唔合理，「32度都要熄冷氣」，學生又點可以投入課堂當中呢！雖然推行環保係好事，但係都應該考慮實際情況，又或者循序漸進地實行！

Ref: TVB