小紅姐、姜皓文扮安全套賀《鐵探》高收,袁偉豪接力笠魚網絲襪

小眼睛看大娛樂 於 22/05/2019 發表 收藏文章
早前播完以權鬥為主題的《鐵探》,引發追劇熬熱潮!喺劇中飾演Madam Man萬晞華嘅「小紅姐」惠英紅就曾經喺記者會上承諾「收視有33點,就在鬧市笠絲襪扮安全套影相」!


到尋日下晝時間,小紅姐喺社交平台直播找數,佢笠住藍色絲襪扮安全套,行入人來人往嘅地鐵站餅店買包,仲表示覺得最重耍要係大家開心!小紅姐完成「找數」後,就點名「黑仔」姜皓文接棒!


黑仔都有喺社交平台上post 出小紅姐嘅片段,又寫上「紅姐!收到!Bingo今天內找數」同時,佢又有向劇迷、粉絲發出預告,「今晚沙田新城市廣場找數」!

黑仔將行動代號命名為「快閃蒙頭買咖啡」,黑仔選擇用粉紅色絲襪笠頭,喺前往買咖啡嘅路上,一手拎全《鐵探》海報,一邊話《鐵探》有33點,然後就快快去到買咖啡!

loading


黑仔成功「找數」後,都再喺社交平台上表示「嗰樣又真係幾好笑⋯」....

至於下一位要接力找數嘅就係男主角袁偉豪,尋晚佢仍未表示自己會找數(應該唔會走數掛)

到今日下午,Ben開住直播買絲襪「找數」,佢竟然買了一對魚網絲襪,仲喺女人街「出巡」、買珍珠奶茶!


其實「找數」方式有咁多種,佢地因咩事要選擇「笠絲襪扮安全套」?唔通係因為呢一套係警察題材劇集(早前播出期間都有「中槍Challenge」)?定只係因為劇集係得到安全套公司贊助......

不過呢個「笠絲襪」環節即使喺唔同遊戲節目中都出現過,但又真係百看不厭,唔同藝人就會有唔同嘅有趣效果!除了袁偉豪外,小編就比較期待蔡思貝有份「找數」呢!

Ref: Facebook、Instagram
標籤: 姜皓文  鐵探  惠英紅  TVB  袁偉豪  

留言


請按此登錄後留言。未成為會員? 立即註冊
    快捷鍵:←
    快捷鍵:→