江嘉敏post「拯救地球系列」，令人聯想同黃心穎有關？

近呢幾日，唔少媒體都傳出江嘉敏會頂替黃心穎喺《牛下女高音》嘅女一角色，但消息暫時都未獲得確認呢！尋晚，江嘉敏喺社交平台上分享一張身穿黃色吊帶連身裙嘅相，又喺帖文上加上hashtag，「#拯救地球系列」呢！


《牛下女高音》原定男、女主角為張振朗、黃心穎，但因「安心偷食」一事，需要換女主角重拍！



有網民就好好奇江嘉敏嘅「拯救地球系列」到底係唔係仲有好多張相呢......但小編就比較好奇佢所指嘅「拯救地球」，係指佢分享嘅美照，抑或係佢將會接手黃心穎喺《牛下女高音》嘅角色呢？

如果真係江嘉敏做呢一套劇集嘅「女一」，就將會係佢繼上年台慶劇《兄弟》後，另一套佔比較多戲份嘅一套劇集，但佢其實都仲作為新人，又係唔係真係有能力應付到呢？而且小編仲覺得佢同《牛下女高音》嘅男主角張振朗唔太相襯呢！

Ref: Instagram