"東張西望"追訪救生員劣行,發言人一睇行為不檢片段即轉口風!

小眼睛看大娛樂 於 06/05/2019 發表 收藏文章
尋晚嘅一集《東張西望》熱話部份,就同大家追訪公眾泳池、泳灘封池其實係同一群惡霸救生員有關!但呢一段「惡霸救生員惡行大公開」訪問中有個亮點就係發言人一睇到救生員行為不檢嘅片段就馬上轉口風,唔通又係《東張》女主持訪問技巧高超而得出嚟嘅結果?

訪問一開始,先道出唔少泳池都暫停開放,係因為「救生員不足」,加上救生員又會有罷工、集體請病假,令到人手短缺問題更為嚴重,最後只會直接影響到一心想游水嘅市民呢!

主持李旻芳就以電話訪問救生員張先生,佢表示曾經被同事要脅一齊「請病假」,但佢自己無參與,就喺事後遭到同事「惡作劇」,仲展示whatsapp 內容中提及夜間救生員會喺下晝「請病假」、「病多幾次」,仲大曬自己令到泳池成功封池嘅「偉績」呢!又指救生員會在工作期間有唔少劣行,如:飲酒、玩骰仔、打機、煮食,又會大玩小圈子。




其後,又訪問曾經任職泳池管理人員的蔣先生,佢表示管理層好擔心救生員唔返工,所以無論救生員做咩,管理人員都「隻眼開隻眼閉」、「賣佢地怕」!

節目主持都有訪問港九拯溺總會發言人,一開始就表示自己嘅職員唔會做出呢d行為,加上人手不足.....但當佢睇完救生員行為不檢嘅片後,就話「我知邊個,我都知呢件事」,到最後就呼籲大家要緊守崗位!


小編即使唔係經常去泳池,但都成日聽到救生員不足、「請病假」嘅情況,但估唔到竟然去到呢一個惡劣嘅地步呢!但另一方面,救生員又不時投訴待遇、福利問題,建議《東張西望》都可以訪問埋呢一方面呢!

Ref: TVB
標籤: 東張西望  TVB  救生員  

留言


請按此登錄後留言。未成為會員? 立即註冊
    快捷鍵:←
    快捷鍵:→