傅穎手拎行李上的士不獲"找錢"，討教:"這是正常嗎?"

傅穎(Theresa)日前就喺社交平台上發文，向大家討教有關於的士行李收費的價目。事緣Theresa手拎住一個空嘅行李箱上的士，但到達目的地嘅時候，Theresa向的士司機畀車錢嘅時候，就不獲司機找錢，司機表示「唔會找錢」。當Theresa嘅帖文一出後，唔少網友都留言同Theresa一齊討論，有意見就話「以為只係放車尾箱先要收費」，又有人指「即使係手拎行李都需要繳付行李費用」。




部份網民留言如下：


其實翻查運輸署網頁中有關於的士附加費嘅內容，就有部份提到「每件擺放在車廂內而長、闊、高總和超過140厘米的行李」同樣都需要收取行李附加費，同擺放喺車尾箱嘅行李都會被當作相同處理。至於每一件行李，除了擺放在乘客車廂內的輕便行李外，都一律收取乘客港幣6元！

小編單睇Theresa呢一則帖文，覺得佢喺用字、態度上都係可以接受，至少佢無畀人一種「潑婦罵街」嘅感覺，會令人覺得佢係「真心討教」，同時都引起大家關注司機濫收費用嘅問題。而且Theresa呢一宗事件，最值得討論嘅地方係空空如也嘅行李箱都要被收取費用......但相信大家睇完運輸署嘅絛款，大家都可以長知識，做一個負責任、守規嘅乘客！

Ref: Instagram、運輸署