蘇永康新歌講"偷食"，為免尷尬急煞停出歌？

「阿公」蘇永康早前因為喺鄭秀文Sammi 嘅Instagram post下用上幾個心心表情符號留言，表示支持，就係因為咁，網民就喺留言下重提阿公曾經離婚、吸毒等往事，令阿公都現真身同網民展開激烈嘅討論，又再次令Big 4 四子（許志安、張衛健、蘇永康、梁漢文）名列搜尋榜上！



今日就有指阿公緊急「叫停」將會推出新歌《你哪位》，歌曲主題就係同已婚人士外出尋歡，酒後亂性「偷食」有關，當中部份歌詞係「誰人敍舊完了，假借烈酒，話沒有人理」、「原諒有家室後，豺狼已再沒甚麼需要」，實在與近日嘅安心偷食事件不謀而合，十分應景呢！阿公所屬嘅唱片公司都有回應指消息屬實，並表示會尊重藝人嘅意願！
小編認為即使新歌已經完成錄音部份、後期製作，即使要「倒錢落海」，但唔推出市面都係一個明智之舉，畢竟實在同事件撞到應一應，即使講明係一早已經有呢一個歌曲計劃，都實在令人會有所懷疑。而且阿公係同許志安十分老死，出歌的話，又會被網民指佢再次借事件「上位」、「刷存在感」！

或者係因為阿公吸收咗上次「無停口」支持Sammi嘅舉動，所以就出動「停歌」暗撐老友？

Ref: Instagram