內地版《非分熟女》內容被大刪,導演發聲明表示震怒!

小眼睛看大娛樂 於 22/04/2019 發表 收藏文章
蔡卓妍(阿Sa)今年憑住電影《非分熟女》角逐金像獎最佳女主角(最後空手而回),喺電影嘅預告片段中,阿Sa所飾演患有性障礙嘅角色,全裸出浴、跳鋼管舞等等場面,睇到大家想入非非。阿Sa宣傳時都有提到今次演出係佢從影以來最爲大膽嘅一次,就令大家更為期待喇!

電影喺香港已經上映,公映版本係90分鐘片長,而導演版係108分鐘,但喺內地上映時就被刪剩66分鐘,被大幅度刪去24分鐘(以90分鐘公映版本計算)。
電影編劇兼導演曾翠珊,就喺社交平台上發出聲明「近日於國內播放修剪成66分鐘的版本,本人並沒有參與任何修剪程序,對於故事的原意完全被扭曲,感到震怒,以及極度的痛心。作為《非分熟女》的編導,本人只承認《非分熟女》的導演版(108 min)及公映版(90 min)為本人參與的創作。」


網民就喺帖文下留言,指唔少電影都係遭受到同樣嘅處理,「內地不嬲係咁剪,波希米亞咪又是剪到支離破碎」、「66分鐘,咪等於一部網大電影長度」、「封建制度」,又有網民表示「一早唔決定內地上咪得」⋯⋯


其實剪到支離破碎,嚴重影響劇情發展的話,確實講唔過去,大幅刪剪除咗令觀眾睇唔到演員精彩嘅演出,仲浪費導演嘅心血,可惜現時只可以接受制度⋯⋯


標籤: 非分熟女  蔡卓妍  

留言


請按此登錄後留言。未成為會員? 立即註冊
    快捷鍵:←
    快捷鍵:→