落選港男發文指"心穎罪不至死"，被指講歪理博上報！

「安心偷食」事件被爆出至今已經係第5日，隨住兩位當事人、另一半都分別現身、發文回應，本以爲事件會告一段落，令各個受牽連的人士都可以暫且安心，但曾經參選香港先生嘅梁裕恆，就發文交代自己所知道嘅「內情」，直指心穎喺成件事上只係一個追求愛情嘅女仔，根本罪不至死。

小編覺得梁裕恆呢一篇內容固然係一大「花生」，但佢出post同事件有成幾日時差，加上又以健身教練嘅page發文，更加值得令人深思佢係唔係所謂嘅博上位以及佢係唔係擁有應有嘅職業操守。（P.S 其實佢幾時出post都應該會被大家指佢抽水）
帖文內容如下：


唔少網民都表示梁裕恆係「抽水」，又懷疑內文嘅可信度，「咁秘密既野都會一早同你講既？難以置信⋯⋯」、「話天后老公話婚姻一早出左問題?會離婚？你證實左未架？」、「 馬後炮嚟呃Like」


對於帖文內容，小編都有幾個覺得「有趣」嘅地方，確實值得討論。

第一，梁裕恆就用上2016年參選香港先生時同黃心穎嘅合照，文中就用上「佢」稱呼黃心穎，好似有種試圖降低「抽水程度」嘅成份。第二，帖文中先用「突然醒起一些事情，不吐不快。」其實何解會突然記起呢？剛好正正喺幾位當時人回應後先「突然醒起」？當然佢係可以喺自己嘅專頁發表意見，但只係覺得佢呢個「突然」來得有點古怪。第三，文中提到嘅愛情觀、婚姻觀又好強調「個人」而唔係「伴侶」，「個男人同佢講會離婚，她才願意跟他一起。如果係咁她只是一個受害者。」、「佢又唔係賣身，只是一個追求愛情既女仔」⋯⋯

順帶一提，小編都「突然」去參考過往新聞，發現黃心穎曾經出席《2016香港先生選舉》「現場最受歡迎香港先生」投票活動，指消防員出身嘅準港男3號梁裕恆嘅強項係唔怕醜⋯⋯

Ref：Facebook、東網