小紅姐、姜皓文座陣《鐵探》,令「9半檔」絕地反彈?

小眼睛看大娛樂 於 28/03/2019 發表 收藏文章
近期TVB三線劇集都要數《愛回家》獨佔收視、話題,仲有唔少人都話「睇完8點半就要熄電視」。原因何在?就係TVB播得多外購劇,又或者沿用新鮮感欠奉嘅神探、查案題材,自然就唔可以緊緊捉住觀眾嘅心!

知道下星期一(1/4)會播出全新劇集《鐵探》,一睇個名都知係以警察、查案做主題,但就有以下呢幾個因素,令劇集有望打破現時9點半時段嘅收視低迷局面(現時《福爾摩師奶》首3星期界乎23點)!



第一:惠英紅、姜皓文座陣

一直鮮有拍攝TVB劇集嘅小紅姐、黑仔,首次喺「公仔箱」合作已經話題性十足!前者飾演總警司萬晞華,後者就係臥底警員Bingo,兩位「好戲之人」交集一定花火四濺!前輩級演員嘅出集,仲可以對同劇新一代演員指導,發揮出更強大嘅劇集張力!



第二:臥底題材

喺TVB警匪題材劇集當中,只要有親臥底情節的話,大多數都可以大收旺場!就好似2009年《學警狙擊》同2011年《潛行狙擊》當中,由謝天華飾演嘅Laughing Gor,仲要加碼拍埋電影版。或者都係因為臥底嘅內心掙扎、變節往往都係最有追看性。



第三:袁偉豪、張寶兒「情侶檔」

情侶袁偉豪、張寶兒首次喺劇集中合作,飾演上司、下屬關係,有唔少對手戲。仲有阿Ben 爆肌身型睇!


希望真係一套追得過嘅劇集啦!

loading


ref: TVB



標籤: TVB  鐵探  惠英紅  袁偉豪  劇集  姜皓文  

留言


請按此登錄後留言。未成為會員? 立即註冊
    快捷鍵:←
    快捷鍵:→