張景淳憑龔燁成功入屋,《天與地》後另一代表作?

小眼睛看大娛樂 於 17/03/2019 發表 收藏文章
3月14日(白色情人節)當晚,《愛‧回家之開心速遞》播出龔燁(張景淳 飾)終於成功追求熊若水(呂慧儀 飾),並上演咀嘴一幕,令唔少網民、粉絲都表示劇情「甜到漏」,更令社交平台都被呢一對《愛回家》CP洗版!


loading


龔燁喺劇中畀熊若水叫做「賤精先生」,正正係劇中嘅小人角色,但點解可以成功入屋,令大家都記得起張景淳呢個演員呢?仲有網民曾經喺上年龔燁短暫望開劇組,而發起「工業行動」希望可以召喚張景淳「回家」!

張景淳可以憑龔燁成功入屋,相信都有以下原因:

1. 處境劇的力量

《愛‧回家之開心速遞》係8點鐘黃金時段播出,近月收視更接近30點,可見有唔少觀眾注意。就係因為晚晚都睇住,就好似同角角一齊成長,自然會有更深刻嘅感受!


2. 崎嶇CP線

龔燁、熊若水初期做鬥氣冤家,直至後期出現感情線,佢地嘅CP線都係行得十分崎嶇!龔燁曾經幾次因爲家事,而放棄向熊若水表白嘅機會,令觀眾都好想問:「到底幾時一齊啊?」龔燁又曾經覺得自己唔能夠擺若水喺第一位,所以一直唔敢追熊若水。



大家可能都會因為「龔燁」而認識張景淳,但其中早幾年嘅台慶劇《天與地》當中嘅「家明」一角,即使出場戲份唔多,但就該喺劇中出現「食家明」情節(被幾位好兄弟喺雪山所食),家明就係張景淳所飾演。


小編認為《愛回家》龔燁一角都已經係張景淳現時嘅代表作,因為佢真正用劇情、角色塑造而去打動觀眾,而唔只係一劇集中嘅話題性。張景淳近日喺訪問中透露《愛回家》嘅CP 線會有更深入發展,實在叫人期待!

Ref: Instagram、TVB



標籤: 愛回家  張景淳  呂慧儀  TVB  

留言


請按此登錄後留言。未成為會員? 立即註冊
    快捷鍵:←
    快捷鍵:→