王梓軒鬧市大叫「我愛蔡思貝」，網民大讚有Gus！

歌手王梓軒竟然會喺人來人往嘅銅鑼灣Sogo 門外大叫「我愛蔡思貝」？

王梓軒早幾日喺youtube分享一段同新歌《邊緣引力》有關嘅影片，明明係宣傳新歌，但又做咩會同TVB小花蔡思貝有關呢？事緣係蔡思貝下咗一個挑戰畀王梓軒，只要佢完成指定的任務：「王梓軒要企喺銅鑼灣十字路口宣佈自己真正鍾意 / 追求嘅係咩野？ 」

到王梓軒去到指定嘅地方，佢第一句就直接大叫：「我愛蔡思貝！」提到自己最欣賞對方嘅地方係：「感性得嚟又爽朗」、「傻得嚟又好有智慧」、「嗲得嚟又好夠兄弟」！當睇完呢一堆正面嘅讚美後，大家可能都以為佢係要同對方示愛又或者真心追求對方......

但最後王梓軒都係想借助現場市民，同佢一齊唱首生日歌畀蔡思貝，同時都抱歉自己唔可以陪對方過生日！


王梓軒尋晚都有再喺Instagram上post 出片段，在caption 寫上：

「蔡思貝！依家全世界都知喇
爭左妳三年，今日還
Sisley, I accept your challenge! This one I’ve owed you for 3 years now」

有網民留言指王梓軒好有勇氣，又有追問佢幾時拍拖，都有人指佢地「一齊會好夾」！

其實「我愛蔡思貝」呢個challenge，都唔止男藝人做過，早前蔡思貝喺情人節晨早上門送花畀「靚湯」湯洛雯，呢個窩心嘅行徑令「靚湯」都同思貝大叫I love you ！

小編都好佩服王梓軒嘅勇氣，同時又做到「一雞兩味」，可以多謝好朋友，又可以令對方幫手宣傳新歌呢！
Ref: Instagram、Youtube