華姐評判對答爆火花，靚湯其實無贏過港姐！ 精選 推薦

國際中華小姐尋晚落幕，香港代表陳曉華（Hera）承接2014年嘅陳凱琳，再次同時奪得香港小姐與國際中華小姐后冠，亞軍則是另一賽前大熱王慧媛（夏威夷）、季軍就是吳雅珠（紐約）。

在兩小時的直播節目當中，一共有19位來自世界各地不同地方嘅佳麗，先經過自我介紹，再到舞蹈、樂器、魔術等才藝表演後，其後馬上公佈10強入圍者，再進行泳裝對答環節，與一般緊湊的選美節目沒有太大分別，佳麗都是走馬燈形式出現，觀眾基本上都希望看看美女，或是注意她們在問答環節中有否出現惹笑的言論呢！
但小編發現今屆由一眾前香港小姐、小花、小鮮肉所組成的「華麗評判團」，如：蔡思貝、張秀文
、黃心穎、湯洛雯、朱千雪、張寶兒、羅天宇、余德丞等等⋯⋯他們的對話更為花火處處呢！

在其中一個環節中，大會司儀陸浩明、麥明詩請評判團寫上對佳麗發問的問題：



其中麥明詩就對於湯洛雯提出嘅：「朋友借錢唔還會點追？」覺得好奇，仲話：「靚湯選過港姐，應該都識得應付嘅⋯⋯」

靚湯本身話：「我會先了解對方有咩困難，然後再問點解係我⋯⋯」本身都正正常常嘅對應，然後⋯⋯

麥明詩：「你可唔可以唔好答一個咁港姐公式嘅答案呢？答一個真實D」

陸浩明：「係囉，你已經贏咗㗎喇！」

然後，身旁嘅蔡思貝、黃心穎馬上好激動咁耍手擰頭，意指湯洛雯係無得獎！

湯洛雯都有再澄清：「其實我冇贏到㗎 by the way~」

仲有另一位係張寶兒，佢問：「拎完冠軍，男友求婚你會點頭？」其實見到條題目，已經令人諗起早前有傳寶兒嘅男朋友袁偉豪會向佢求婚一事。

麥明詩：「即係唔係講緊佢嘅，係代入⋯⋯」

陸浩明：「如果啊Ben（袁偉豪)問你，但你（張寶兒)事業起飛緊⋯⋯你會點答？」

張寶兒本身大笑，然後話：「我會買架跑車畀佢⋯⋯」陸浩都話張寶兒開心到答非所問！


小編覺得呢Part 問評判嘅部份仲有幾分精彩，做一個間場係唔錯嘅選擇。可能話題目係一早準備好，但睇佢地當下嘅反應都幾好笑呢！

Ref： TVB