【係愛啊！】愛回家「廢青安」因為朱凌凌，港女格現曬型！

唔少人都好期待《愛．回家之開心速遞 》金城安（周嘉洛 飾）同朱凌凌（吳偉豪 飾）嘅HEHE 感情線！而尋晚播出嘅一集終於又再次出現，仲喺今集中完美展現出「金城安」骨子當中嘅一份「港女格！」

今集一開始，講到凌凌要上山影相，但金城安就死都要一齊去！面對住金城安「唔願起身」、「唔執袋」，凌凌都一樣對佢極度包容，幫佢執袋、換衫，仲畀佢呢「廢青安」可以行住瞓！



以上嘅行為，可能你會話佢係懶惰，多過「港女」！但劇中飾演來自澳門大學電影學會會長氹仔一出現，金城安陣港女味就湧現！
氹仔同凌凌一見如故，已經令安仔感到不是味兒！

到凌凌同氹仔去食放題，金城安就「質問」做咩去食佢最鍾意嘅放題！


凌凌又幫喺Hall「屈蛇」嘅氹仔買早餐，安仔當時馬上呷醋，講句說話都有骨落地，「平時又唔見你對我咁細心？？」

又話唔要氹仔著過嘅鞋！！


連屋企人都笑佢「港女」啊！


歸納安仔嘅港女格：

1. 懶（唔願起身、唔執袋）
2. 呷醋
3. 「愛人」只係屬於佢4. 要人「氹」


小編認為呢幾點專屬安仔嘅「港女格」，係女仔性格中又帶點既有嘅「廢青」性格！不過，相信唔少劇迷同小編一樣都對於安仔呢份女仔性格唔會感到意外，（只係睇佢幾時再現型），因為曾經有一集係關於劇中「香港島大學」嘅男神排名，安仔就係因為唔夠Man而「排包尾」！可能佢呢份「港女格」都真係關朱凌凌比較識人情世故、照顧其他人而養成！

Ref: TVB