早喺上星期，已經見到電視開始出現9點半時段新劇《福爾摩師奶》預告片，當見到有回巢座陣嘅陳松伶（松松姐姐）做女一，都對呢套劇抱持住觀望嘅態度，始終都唔可以未審先判嘅！
見到《福爾摩師奶》呢一個名（前劇名：《危城First Lady》），將福爾摩斯、師奶兩個身份用「食字」混合埋一齊，真係一眼就知道成套劇集係圍繞住一個好似「福爾摩斯」查案嘅女人（小編都係比較鍾意《危城First Lady》）。
1) 劇名直接，又故作有「玩味」（確實又係TVB劇一定「走唔甩」嘅元素）：
2010年《談情說案》
林峰演「伽利略」景博同飾演女探員嘅楊怡，劇中寫寫下查案，又講2個人點樣打破「地位懸殊」拍拖，令感情戲部份成為劇集重點，令「情大於案」，真係一唔小心都會令人誤會劇集名真係叫《談情說「愛」》呢！
2) 愛情線仲複雜過案情
《刑事偵緝檔案》
神探張大勇（陶大宇 飾）同記者高捷（郭可盈 飾），兩個人嘅愛情係一波三折，第二輯被郭藹明介入，第三部就「殺出」陳法蓉！
3) 主角有查案絕招
講明係推理劇，主角都會有佢地嘅獨有查案方式，如果唔係又點稱得上做「神探」呢？
《讀心神探》中嘅姚學琛（林保怡 飾）會「讀心」，用表情、眼神去探視疑兇嘅心理活動！
郭晉安喺《古靈精探》中，用好多「唔正路」嘅破案方式，有用超能力，又有靠時空穿越，實在有別於一貫認真嘅推理劇集！
《福爾摩師奶》個劇名夠膠，但會唔會中埋TVB推理劇必備嘅幾大元素，定真係會有新突破呢？
小編尋晚睇到節目嘅詳細預告片，發現當中有余德丞、江嘉敏、陳瀅嘅三角關係，係就係又有「走唔甩」嘅情情愛愛，但竟然有一幕係江嘉敏、陳瀅兩位瞓埋同一張床，陳瀅又「劇透」，指自己係鍾意江嘉敏所飾演嘅角色呢！
小編諗翻起松松姐姐上次參與TVB嘅劇集《全職沒女》（2017年）係飾演「中女」羅麗晶，形象都幾破格，但當時反應唔稱得上為好好，可能係時裝小品劇的緣故？但今次有松松姐姐嘅回巢效應，再有「應該唔死得」嘅查案、推理劇種，應該唔會變成《「伏」爾摩師奶》掛？
Ref: TVB
見到《福爾摩師奶》呢一個名（前劇名：《危城First Lady》），將福爾摩斯、師奶兩個身份用「食字」混合埋一齊，真係一眼就知道成套劇集係圍繞住一個好似「福爾摩斯」查案嘅女人（小編都係比較鍾意《危城First Lady》）。
1) 劇名直接，又故作有「玩味」（確實又係TVB劇一定「走唔甩」嘅元素）：
2010年《談情說案》
林峰演「伽利略」景博同飾演女探員嘅楊怡，劇中寫寫下查案，又講2個人點樣打破「地位懸殊」拍拖，令感情戲部份成為劇集重點，令「情大於案」，真係一唔小心都會令人誤會劇集名真係叫《談情說「愛」》呢！
2) 愛情線仲複雜過案情
《刑事偵緝檔案》
神探張大勇（陶大宇 飾）同記者高捷（郭可盈 飾），兩個人嘅愛情係一波三折，第二輯被郭藹明介入，第三部就「殺出」陳法蓉！
3) 主角有查案絕招
講明係推理劇，主角都會有佢地嘅獨有查案方式，如果唔係又點稱得上做「神探」呢？
《讀心神探》中嘅姚學琛（林保怡 飾）會「讀心」，用表情、眼神去探視疑兇嘅心理活動！
郭晉安喺《古靈精探》中，用好多「唔正路」嘅破案方式，有用超能力，又有靠時空穿越，實在有別於一貫認真嘅推理劇集！
《福爾摩師奶》個劇名夠膠，但會唔會中埋TVB推理劇必備嘅幾大元素，定真係會有新突破呢？
小編尋晚睇到節目嘅詳細預告片，發現當中有余德丞、江嘉敏、陳瀅嘅三角關係，係就係又有「走唔甩」嘅情情愛愛，但竟然有一幕係江嘉敏、陳瀅兩位瞓埋同一張床，陳瀅又「劇透」，指自己係鍾意江嘉敏所飾演嘅角色呢！
小編諗翻起松松姐姐上次參與TVB嘅劇集《全職沒女》（2017年）係飾演「中女」羅麗晶，形象都幾破格，但當時反應唔稱得上為好好，可能係時裝小品劇的緣故？但今次有松松姐姐嘅回巢效應，再有「應該唔死得」嘅查案、推理劇種，應該唔會變成《「伏」爾摩師奶》掛？
Ref: TVB
請按此登錄後留言。未成為會員? 立即註冊