《3日2夜》「收視王」陳詩欣,靠出動日本初體驗「搶Fo」?

小眼睛看大娛樂 於 24/02/2019 發表 收藏文章
尋晚正值Happy Saturday,剛剛播出由TVB小花陳詩欣同鍾晴主持嘅《3日2夜》日本和歌山篇!



陳詩欣(Eunice)model出身,又有出過幾首單曲,外貌、身型絕對唔需要懷疑,一個甜美笑容、一對線條靚嘅長腿,令男女都輕易神暈顛倒呢!


除咗外型外,陳詩欣嘅「吸收視」能力都相當驚人,事關早前曾經公開過2018年《3日2夜》嘅各集收視:

第1位:陳詩欣、陳睿雯 (韓國) - 約15.75點(2集)
第2位:朱千雪、湯洛雯 (北海道) - 約14.8點(3集)
第3位:蘇可欣、阮兒 (韓國) - 約14.75點(2集)
第4位:陳約臨、潘梓鋒(蘇梅、喀比) - 約13.6點(2集)
第5位:劉穎鏇、江嘉敏(土耳其) - 約13.5點(3集)


陳詩欣加入TVB嘅日子唔算長,主要都係搶任娛樂新聞台主播,但一主持以靚人靚景掛帥嘅《3日2夜》,輕易就打敗「靚湯」,成為收視第一位!陳詩欣同陳睿雯兩位當然應記一功,但小編都相信收視有佳績都同目的地有關,睇睇頭3位都係香港人常去嘅韓國、日本等地,即使唔係專門睇靚女嘅女性觀眾們,應該都會相對比較容易受落嘅!

講起日本都係屬於香港人經常去嘅地方,但估唔到不時都有喺個人社交平台上大曬旅行靚相嘅陳詩欣,早前就透露拍呢一輯全新嘅《3日2夜》日本篇,正係佢第1次踏足日本!

至於尋晚播出嘅部份,陳詩欣同鍾晴就去咗和歌山城內紅葉溪庭園欣賞紅葉⋯⋯


仲有大玩考驗平衡感嘅立式划槳、品嚐溫泉水料理!

當然唔少得《3日2夜》一定走唔甩嘅性感場面!


小編本身都有少少好奇陳詩欣係第一次去日本,所以都會想睇下佢會有咩特別反應。但相信大家最關心嘅都係佢今次做咗D咩活動,影咗幾多美照呢!唔知今次陳詩欣配上另一位拍檔鍾晴,再加埋港人最愛嘅日本,會唔會再有機會得到《3日2夜》「收視王」呢個稱號呢?

Ref:TVB、Instagram

標籤: 陳詩欣  3日2夜  

留言


請按此登錄後留言。未成為會員? 立即註冊
    快捷鍵:←
    快捷鍵:→