Anjay、賴慰玲先後做媽媽,TVB「M-Club」少女去曬邊?

小眼睛看大娛樂 於 19/02/2019 發表 收藏文章
當見到陳嘉寶Anjaylia,佢令人最印象深刻嘅工作,除咗「邦民女」外,另一個同樣「入屋」嘅身份就係TVB劇集《女人俱樂部》當中的少女組「M-Club」!

先回帶一下,「M-Club」係當年2014年劇集中嘅稱呼,各自飾演劇中主角的年青版,6位成員分別係:王敏奕(Venus)、吳嘉熙(Cheronna)、賴慰玲(Winki)、陳嘉寶(Anjaylia)、黃山怡(糖妹)同埋吳燕菁!


6位因為拍劇結緣,成為好姊姊,平日都不時喺社交平台上大曬聚會時嘅靚相呢!



Winki、Anjaylia都先後呢幾年結婚生BB,間唔中時間都會拍劇、出活動。



但6個各有各忙,有時聚會都唔齊人,比較少出現相中嘅係喺劇集中扮江欣燕年青版嘅吳燕菁,到底佢地幾位「少女」又去曬邊呢?

王敏奕(Venus)

拍完《女人俱樂部》後,年青版「李麗珍」王敏奕都一直拍唔少作品,間唔中又會出現電視劇集當中,最近嘅係2018年嘅《飛虎之潛行極戰》,扮演勇猛嘅飛虎女隊員!至於感情生活方面,與曾國祥拍拖多年,閒時又會四出旅行,十分恩愛呢!



吳燕菁(Annice)

吳燕菁同雙胞胎家姐吳燕珊(Annelle)組成組合戰歌壇,2012年出道至今,出過兩隻碟,但外間迴響不大。到被選為「江欣燕」年青版後,漸漸為人所認識,但電視曝光率唔算高。反而2016都有喺內地劇集《加油!美少女》中出現。



吳嘉熙(Cheronna)

本身係女子組合Supergirls成員嘅Cheronna可謂「事業愛情兩得意」,同男友黃奕晨不時「放閃」,2018年接連推出兩首個人單飛歌曲,同時喺ViuTV劇集《Plan B 》中都有不俗嘅表現。



黃山怡(糖妹)

糖妹未拍M Club 前,算是當中比較高知名度嘅一位!拍劇、拍廣告、唱歌,繼續多方面發展呢!



小編覺得當年TVB都有少少「走寶」,6個有樣又年青,睇到男女都「心心眼」,可惜隨住劇集完結,就比較少合作。唔知幾時會再有呢D青春活力少女組呢?

Ref: Instagram




標籤: Mclub  TVB  陳嘉寶  賴慰玲  

留言


請按此登錄後留言。未成為會員? 立即註冊
    快捷鍵:←
    快捷鍵:→