【超玩得】「黃心穎」我真係恭喜你啊! 蔡一智硬食窩心大整蠱!

小眼睛看大娛樂 於 30/01/2019 發表 收藏文章
草蜢成員蔡一智同黃心穎一向被指撞樣,仲估唔到連生日都咁接近!啊智係1月3生日,而心穎就係1月23日生日,唔同星座,但都係1月份嘅壽星,真係有緣到一個點!

尋日就見到蘇施黃post 出一張古巨基太太、蔡一智等一眾好友拎住生日蛋糕嘅相。

其中一個係寫住「黃心穎 生日快樂」,唔通心穎同男友馬國明開完校服P又再慶祝?


但心穎又唔係座上客......

其實就係蘇施黃、古巨基一大班人準備畀心穎「阿哥」蔡一智 (定 蔡心穎)嘅特別版生日蛋糕,真係好貼心啊!呢樣都證明佢地感情十分好,可以開得起玩笑(哈哈哈哈哈哈哈)!





「一起森巴舞 彈開不滿」嘅阿智,即使已經年過50,但喺呢件講咗N咁多年嘅陳年撞樣事件當,小編(利申:心穎BB粉絲)都覺得阿智實在好玩得。你可能會話佢地都係借呢件事上報,但喺佢地2個嘅互動當中,又會睇得出阿智又真心唔介意,又有氣度。

或者可以考慮下年一齊慶祝生日,一個拎住「黃心穎 生日快樂」,一個拎住「蔡一智 生日快樂」一個Party成功攪掂曬,正啊!

Ref: Youtube、Facebook


標籤: 黃心穎  蔡一智  生日  

留言


請按此登錄後留言。未成為會員? 立即註冊
    快捷鍵:←
    快捷鍵:→