【見好就收?】BL神劇《大叔的愛》預年中開拍第二季 hehe迷機會嚟喇!

小眼睛看大娛樂 於 23/01/2019 發表 收藏文章
上年一套日劇《大叔的愛》一播出,即時被唔少人封為BL界嘅神劇,連帶劇中主要演員:田中圭、吉田鋼太郎、林遣都同樣人氣急升!同時捲起一陣hehe潮(日劇萬萬歲!!)。


劇組見《大叔的愛》咁受大家歡迎,決定開拍電影版後,早有計劃於今年年中播出電視版的第二季內容。但日本朝日電視台就透露內容同演員陣容同樣尚未落實。春田田、阿牧應該都「實食無黐牙」,但唔知係一開始就講同居生活,定係當中會有咩暗湧出現呢?(密切關注中......)



唔少人氣日劇都會食住個勢去開拍續集,甚至整個3部曲,但有可能會令一眾引頸以待嘅劇迷大跌眼鏡,仲會話劇組唔拍好過拍咁話!以下呢幾套又算唔算呢?

《Code Blue 2》、《Code Blue 3》
《Code Blue》系列由山下智久、新桓結衣、戶田惠梨香等人氣演員主演,先後喺2008年、2010年、2017年播出3季。劇集以「空中醫生」做主題,主題穩打穩陣,又有靚仔靚女睇, 唔怪得可以開拍3季,當時TVB都曾經播過。



《神探伽利略2》

由一件件奇怪案情串連而成嘅劇集,睇到劇迷們大叫緊張。相信大家最深印象一定係當湯川教授(福山雅治 飾)想出破案關鍵嘅時候,就會不分任地方,寫出一大串物理人先睇得明嘅算式。

《HERO 2》

第一季係木村拓哉配上松隆子,第2季就換上北川景子。都係用查案做主題,咁又真係實無死嘅......







標籤: 日劇  大叔的愛  田中圭  

留言


請按此登錄後留言。未成為會員? 立即註冊
    快捷鍵:←
    快捷鍵:→