【咁夠薑？】賀歲片大摑「靚靚」袁詠儀 想揮低經典兜巴星場面？ 精選

江美儀日前出席賀歲片宣傳活動，提到自己演出當中摑袁詠儀（靚靚）嘅場口，仲要係「真打」。美儀同靚靚畢嬲Friend 過夾band，大打出手時可能會更加到位呢！


賀歲片向來受觀眾關注，有唔少場口都會成為經典，到每年新年就被無限狂Loop。美儀同靚靚又會唔會一摑成經典呢？女人同女人打，正啊！


提起「兜巴星」場面，不得不提以下嘅經典場口，真係每一巴都有聲！（好痛啊！）

2012年《名媛望族》

由影片中嘅01:25開始，劉松仁就連續大摑王浩信14巴，打到浩信塊面紅曬。自此，王浩信就有個新朵叫「兜巴信」！


2013年 《法外風雲》

當王浩信每講一句，「心姐」謝雪心就打一巴，打打下仲打唔止打面。係啦！打死個衰仔！


2018年《愛回家之開心速遞》

金城安（周嘉洛 飾）被「媽媽」滕麗名大摑14巴掌，打到頭都咩埋。安仔：「媽咪，你今日做咩咁暴力？」

打得好，打得妙啊！


ref: TVB