TVB「御用鬼佬」布偉傑離巢,盤點各大劇集「御用」演員!

小眼睛看大娛樂 於 28/02/2019 發表 收藏文章
每次睇親TVB嘅電視劇,除咗有唔少令人熟悉嘅劇情發展(如:歡喜冤家最後會變成情侶、大結局時會喺天台BBQ、搵人唔會打電話......),都有唔少唔一定係主角,但每一次需要某一類型嘅角色都會由佢所演出,即係所謂嘅「御用系」!

TVB新劇《福爾摩師奶》中,飾演爵士夫人嘅松松姐姐,劇中嘅英國爵士老公菲臘費查,正是由TVB嘅「御用鬼佬」布偉傑所飾演,佢效力TVB 17年,早前透露上年已經離開娘家TVB,受化妝師太太介紹下,接拍荷里活電影! 其實基本上有外國人角色嘅需要,都總會有佢現身,大多都係對白、戲份比較少,只為完滿劇本背景需要而出現,要數布偉傑最為人熟悉嘅角色就係2006年嘅處境劇《同事三分親》老外上司「韋一」一角!

《福爾摩師奶》:

《同事三分親》:


布偉傑「御用鬼佬」嘅身份都係接2007年「離巢」嘅河國榮!小編覺兩位都好有親和力,唔知下一任「御用鬼佬」會唔會都係咁呢?(會唔會有一個係年青D嘅~~~)


叫得「「御用系」,又點止鬼佬,仲有以下嘅:

御用細佬:黃嘉樂、朱敏瀚

黃嘉樂入行逾17年,一共14次「做人細佬」,如:《鐵馬尋橋》裏鄭嘉穎、馬國明的細佬、《致命復活》裏王浩信的細佬!


朱敏瀚就係比較近年的「御用細佬」,都不時出演學生角色,好似《點解阿Sir係阿Sir》嘅K4成員。至2016年的《完美叛侶》就扮演陳豪細佬,戲份已經算係比較多。



御用啊妹:樂瞳
早前離巢嘅樂瞳,喺TVB打滾10年,可能係身型、童顏所限,大多扮演任性細妹角色,曾經喺《護花危情》中扮演主角黃宗澤「港女」表妹Jojo一角!


御用啊媽:呂珊

基本上有戲份重嘅阿媽角色,呂珊都會成為其中一個人選,相信大家都睇唔少呢!

御用醫生:郭田葰

2009年選「香港先生」入行嘅郭田葰,曾經喺澳洲做過急症室醫生,醫生、古代大夫,佢都通通扮演過!


小編覺得以上嘅每一位「御用」都係演出恰到其份,又可能係因為大家都睇慣睇熟,變相都令演員走唔出御用嘅呢一個光環?!

Ref:Instagram


如果喜歡我們的文章,請即分享到︰

標籤: TVB  劇集  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→