TVB大雜燴節目《娛樂大家》,被指太嘈、抄襲!

小眼睛看大娛樂 於 18/03/2019 發表 收藏文章
可能成日都話TVB已經無咩有可觀性嘅綜藝節目,來來去去都係旅遊、飲食節目,尋晚就播出由「阿姐」汪明荃、蘇永康、森美、余德丞所主持嘅全新遊戲節目《娛樂大家》。

節目起初只係得阿姐、蘇永康、森美3位主持,但後來宣佈加入「小鮮肉」余德丞 (Dickson),喺新鮮嘅主持陣容下,加上TVB好一段時間無出現純遊戲節目,所以當時節目記招舉行後,都令大家有所期待!


到尋晚節目終於出街,小編發現《娛樂大家》當中有幾方面係有待改善:

1. 主持造型無主題性

「阿姐」汪明荃身穿一身到印有「汪阿Tag」字樣嘅黃色套裝,再配上一頭亂髮,睇落令人有些少摸不著頭腦。而且打扮又同另外三位主持無主題上嘅一致性,仲依然予人一種「我就係女皇」嘅感覺,又點會令大家睇得投入呢?


2. 變升學節目

節目起首,幾位主持就提到會用「贏在起跑線」做主題,仲播出主持Dickson體驗小學生忙碌嘅校園生活。正當觀眾會以為節目嘅遊戲係同「起跑線」有關,但反而係玩搶答「小學雞題目」,只有呢一項叫做同「小學」扯上關係。但反而有一節係邀請小學校長、曾到海外升學嘅麥明詩同郭子豪,以及身為爸爸嘅主持森美、蘇永康一齊討論入學面試、升學,只得呢個份「對題」,但又反而令節目秒變升學攻略呢!


3. 太多嘉賓

根據TVB嘅資料,第1集嘅嘉賓已經超過20位,分別係來自劇集《福爾摩師奶》同《學是學非》,仲有幾位來自星夢娛樂嘅歌手。喺分隊作賽嘅時候,已經因為太多人而睇到有些少混亂!

第一集嘉賓:

麥明詩、吳若希、陸浩明、何雁詩、謝東閔、林穎彤、戴祖儀、黃庭鋒、郭子豪、曾展望、劉子碩、王虹茵、李寶君、李寶珊、陳松伶、陳煒、黃智賢、江嘉敏、梁嘉琪、湯洛雯、馮盈盈、張寶兒、鄺潔楹、麥美恩


4. 遊戲擬似抄《王牌對王牌》
嘉賓坐埋一檯食野,但又唔可以講出上嘅指定「禁語」,但就被指抄襲過往嘅遊戲節目。


小編相信如果可以cut 走唱歌清談部份,咁就可以令到節目變翻一個真係「玩遊戲」嘅節目!

Ref:TVB、Instagram

如果喜歡我們的文章,請即分享到︰

標籤: TVB  娛樂大家  余德丞  汪明荃  森美  蘇永康  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→