Sammi親揭舊照真相,網民仍未死心「根本就係千嬅!」

小眼睛看大娛樂 於 27/05/2019 發表 收藏文章
呢幾日社交平台都流傳一張喺西九龍中心拍得嘅一張女星相,事緣網民發帖,稱「我今日去西九龍中心行街, 見到楊千樺呢張相, 然後我個朋友死都話佢係鄭秀文, 大家麻煩用雪亮嘅眼睛睇清楚,然後留言佢係邊個。 因為我哋打賭咗100蚊。」


相片一直都在社交平台上「瘋傳」,大家紛紛看髮色、臉型、眼神,千嬅、Sammi 都有人話係,更有網民笑指其實就係梅小惠呢!相中的紫紅色頭髮與千嬅造型相似,而一雙「Nike眉」又係Sammi嘅標記呢!

楊千嬅

鄭秀文

到今日下晝,Sammi 親身喺社交平台上「解畫」,指相中人係自己,又笑指自己塊臉比較腫係因為「估計自己拍這張照片前一晚,大概是狂飲了十碗超級味精麻辣火煱湯,另加七包薯片然後再鯨呑了一枝粗鹽」Sammi 認真幽默呢!



其實正當喺網民作出提問後,已經被揭出呢一張相係來自1997年Sammi 出席西九龍中心商場活動嘅相片。
再加埋今次Sammi 嘅親身回應,應該可以了結事件吧......但仍然有不少網民仍然指「明明就係楊千嬅」



小編自第一次睇到呢張相嘅時候,已經覺得張相係「一睇就知道係Sammi」,所以每一次見到張相都覺得「躁」!有意見指相中人係千嬅,應該就係因為一直坊間唔少人都指Sammi、千嬅「撞樣」,但好似都已經係千嬅初出道時期的說法呢!而且如果該名發相嘅網民,可以先求真一下,而唔係直接喺社交平台上「求救」的話,就唔會浪費用作打賭嘅100蚊......

Ref: Instagram

如果喜歡我們的文章,請即分享到︰

標籤: 鄭秀文  楊千嬅  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→