Lulu蓋世寶離巢前路茫茫,2個昔日兒童節目主持有劇拍!

小眼睛看大娛樂 於 13/02/2019 發表 收藏文章
蓋世寶(Lulu姐姐)曾幾何時係TVB兒童節目嘅其中一個靈魂人物,唔少80後、90後都係睇住Lulu 姐姐嘅節目大!

佢近日就大表對自己演藝工作有好多不明、灰心,所以就決定喺今個月離開TVB!



Lulu姐姐自《放學ICU》節目組解散後,都只係間唔中喺劇集、綜藝節目中出現,但都真係「間唔中」。



其實做慣兒童節目,不時都係對住小朋友,或者玩下遊戲、角色扮演,同戲劇演出模式又會有唔同,但又係唔係真係一定適應唔到?

正所講:事在人為,以下部份昔日嘅兒童節目主持人都有參與唔少劇集演出,仲可以一至五都會見到佢地!

阮政峰

阮政峰曾經喺《放學ICU》扮演公仔角色「蔥蔥」,後來一直都有拍攝唔少劇集,如:《心路GPS》、《愛·回家之八時入席》等,其中《心理追兇 Mind Hunter》中嘅飾演易服癖患者,以及劇《愛·回家之開心速遞》嘅池子孝比較為人熟悉!




杜大偉

《至NET小人類》、《放學ICU》、《智激校園》都有佢做主持嘅杜大偉,近呢幾年都周不時都會客串劇集,比較令人記得嘅都係處境劇中嘅角色,有《愛回家》嘅「細楊生」同依家《愛回家之開心速遞》嘅「細龍太」手下Peter,以及早前《大帥哥》當中嘅演出!


即使兩位都係喺處境劇中佔比較多戲份,但都起碼叫做「入屋」先!

好老實,小編作為有Lulu姐姐陪住大嘅「小朋友」,當年又真係唔係為咗Lulu姐姐或者一眾節目主持去睇兒童節目,為嘅都只係當中半個鐘嘅一套卡通片(又唔係話兒童節目主持無存在嘅意義、重要性)!只係身為行業當中嘅一員,好應該同睇兒童節目嘅「學生哥」一樣好好裝備自己,迎接唔同嘅機會(突然正能量)!



如果喜歡我們的文章,請即分享到︰

標籤: 蓋世寶  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→