Kary IG宣佈陀B,姊妹Miki"無留言"再惹反目傳聞?

小眼睛看大娛樂 於 23/04/2019 發表 收藏文章
歌手吳雨霏尋日下晝喺社交平台上分享喜訊,宣佈自己已經懷有第二胎,成功兩年抱兩。相中除咗有超聲波相,仲有囝囝Asher,以及寫上"I'm 10 months old and will also be a big brother soon ! "


陀B本身已經係一件值得開心、祝賀嘅一件事,加上Kary 2016年嘅時候曾經經歷過小產,當時仲post 出長文,「儘管已做了所有的檢查,但還是找不出原因。我心裡有一千個問號,為什麼會發生在我身上?是我做錯了什麼嗎?......」因此對於Kary再次懷孕,唔少圈中人都有喺Kary 的post下留言送上祝福,阿Sa蔡卓妍、楊千嬅、關心妍、Aga、JW......



前同事「小方」方力申、前Cookies姊妹區文詩(Angela) 都有留言,另一同屬好姊妹楊愛瑾(Mili)就無現身留言!查看二人嘅IG好友名單中,Miki係有follow Kary,而Kary 就係無follow任何人。


一直都有報導指Kary、Miki不和,事緣同Kary被爆小產一事有關,有指件原本只係摯親好友知道,但最終事件就喺Miki宣佈懷孕翌日,因此矛頭就直指Miki。事後Miki、Kary都無直接回應邊一位係爆料人,但Miki就曾經喺訪問中回應指二人仍然係朋友!

但確實近年嘅聚會都少見到Stephy、Kary、Miki、Angela 四人合體,一係Miki無出現,一係就係Kary無出現,真係去到「有你無我」嘅局面?



無留言、無合照又確實好容易再次令大家聯想起二人不和嘅說法,只希望佢地都只係忙住湊小朋友而見唔到面嘅「朋友」啦!

Ref: Instagram

如果喜歡我們的文章,請即分享到︰

標籤: Cookies  吳雨霏  反目  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→