Janice Man嫁富豪才俊,回顧𡃁模始祖全盛時期!

小眼睛看大娛樂 於 05/04/2019 發表 收藏文章
現年30 歲Janice Man(文詠珊)宣佈同拍拖約4年嘅富三代吳啟楠結婚,將會計劃喺今年10月12日喺米蘭古堡舉行世紀婚禮!一代𡃁模界始祖又封盤喇!(心碎)



身為𡃁模界始祖嘅Janice Man,14歲嘅時候就憑住LOLITA打扮被星探發掘,簽約模特兒公司,不時出現雜誌內嘅廣告,又會出席大大小小活動,係唔少攝影師哥哥嘅目標!



但要數最經典嘅應該都係Janice Man 同Angelababy 用孖公仔身份出席各大活動呢!當時大家都會討論兩位邊個靚D?




小編仲記得當年睇過一個髮型店嘅廣告,兩個人都係日本妹金髮造型,愈睇愈似樣!


直到2009年,Janice Man獲黎明收歸旗下,被Leon 稱為「模Art」,即係工作定位係模特兒與藝人。Janice 備受重用,先喺Leon Dream Wedding Leon Live Summer 09演唱會中擔任嘉賓。Janice 又轉攻拍電影,好似《那夜凌晨,我坐上了旺角開往大埔的紅van》、《大追捕》、《寒戰II》等。



2011年,Janice Man 「上下真空、近乎全裸」出席第30屆香港電影金像獎頒獎禮,獲頒最佳衣著獎!當年憑《赤道》角逐金像獎最佳女配角!


到2014年加盟太陽娛樂文化後,陣地就擴展至中國大陸!《蜀山戰紀之劍俠傳奇》嘅「蜀山小師妹」令佢大受歡迎,其後仲有《九州·海上牧雲記》等。可能就係宜古宜今嘅樣貌,Janice 被選中出演《天龍八部》中嘅王語嫣一角!


直到近日熱播中嘅偶像劇《只為遇見你》,Janice 又再次展現超靚造型!


除咗拍劇外﹐Janice都會經常喺Instagram上分享時尚、旅行照,引來唔少粉絲讚好!



Ref: Instagram


如果喜歡我們的文章,請即分享到︰

標籤: JaniceMan  文詠珊  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→