GEM開新Youtube頻道,蜂鳥音樂疑出招對撼!

小眼睛看大娛樂 於 28/03/2019 發表 收藏文章
大家仲記得G.E.M(鄧紫棋)早前同經理人公司「蜂鳥音樂」出現合約糾紛一事呢?

事件未有定案,又進入司法程序後,又爆出公司早喺2015年將「G.E.M」、「鄧紫棋」,以及音樂影音版權註冊,G.E.M好大機會要「改名」!

未知會唔會改做一眾網民提議嘅名前,G.E.M今日就喺社交平台上表示自己會開一個全新Youtube Channel 「
GEM鄧紫棋」,捨棄舊有擁有10億總點擊次數嘅「GEMblog」,又強調「其實無論用哪個帳號,鄧紫棋還是鄧紫棋。因為帳號是死的,人是活的。」!


Youtube頻道嘅第一段片就係G.E.M 喺洛杉磯行超市買材料嘅日常片,近片尾仲有男朋友Mark親身下廚「防閃」。唔少網民都有留言為G.E.M嘅「新開始」表示高興、支持,又期待睇到下一段Vlog。



G.E.M今日話用全新Youtube Channel,表明舊頻道嘅影片發佈係唔再同自己有關,但新歌《突然之間》偏偏就喺尋日出咗歌詞版MV。一日間有大約1萬3千次觀看次數,明顯比未有合約糾紛前為少。影片下嘅留言就指MV選擇喺呢一日發佈係「專登」,又有粉絲號召大家去支持新嘅Youtube 頻道。


其實如果想聽歌就好自然會搜尋到個MV去聽,但想睇G.E.M嘅生活日常又會睇新嘅Youtube,就係「歌迷」、「人迷」嘅分別,只好寄望G.E.M會上載自彈自唱嘅片段,將唔同類型嘅粉絲重新集合,真真正正重新出發!

Ref: Youtube


如果喜歡我們的文章,請即分享到︰

標籤: G.E.M  鄧紫棋  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→