ERROR 193「咁樣」祝福粉絲?網民極速還原事件真相

小眼睛看大娛樂 於 10/06/2021 發表 收藏文章
ERROR四子隨住成員193在訪問中寸爆TVB、真人騷《ERROR自肥企画》的無底線表現,令到四子吸納了更多男、女粉絲,人氣爆燈!正所謂「人紅自然是非多」,再加上正值兩台「大戰」的時候,ERROR、MIRROR成員的言行、社交網站帖文都會成為「打手」、黑粉的狙擊目標。日前就出現一宗「笑料」!
事緣有網民在討論區內指自己的老婆是193的粉絲,表示在結婚前幾天曾向193發訊息,希望對方可送上祝福,不過就「被佢屌返轉頭」。該位網民上載一段193短片,片中先由ERROR經理人濟哥話「依家有好多人叫你地拍果d新婚片,咁你依家一次過拍埋啦」,193就回應話「你當我係咩呀?免費雞呀?你叫我做就做呀?」、「好呀!我依家祝你地結完再結,係咁結喇!」濟哥就在鏡頭後發出魔性的笑聲,十分有趣。
其實單看內容都明顯知道193是「玩野」、搞笑,而且如果是粉絲要求193拍攝的話,又何來有濟哥所指的「你地 (ERROR)」呢?

對於193向粉絲送上的「祝福」,網民各有看法,「自己攞黎賤」、「希望祝福可以真正為樓主實現」、「有埋片喎, 點拆? 花姐冇教佢收口」、「真係d死mk以為自己好撚型咁」、「樓主專出post X 193,tvb 打手,完」,然後在數則批評留言後就有網民話「尼個係Error經理人濟哥,之前拍返果個每日一問wo,dee、fatboy 、保錡都有」。而事實上如果早前有留意ERROR經理人濟哥Instagram Story的話,都有看過肥仔、Dee哥、保錡先後有拍攝所謂的「結婚片」,內容都是相當搞笑。

而濟哥的Instagram內一向都有記錄ERROR的搞笑日常 :
loading
loading


好有網民及早留言解釋,免得令黑粉更加狙擊193,也相信193會努力以最好的演出、作品去報答粉絲的支持呢!

如果喜歡我們的文章,請即分享到︰

標籤: ERROR  193  ViuTV  郭嘉駿  

留言


請按此登錄後留言。未成為會員? 立即註冊
快捷鍵:←
快捷鍵:→