90後不忿細個被話藍廢紙,現身"東張"騷金鏈報復?

小眼睛看大娛樂 於 08/05/2019 發表 收藏文章
如果畀人話係「廢物」、「垃圾」,確實有可能因為聽到呢一句衝口而出嘅說話,而形成永久嘅傷害。

《東張西望》尋晚就播出90後青年莊洋洋嘅訪問片段,莊洋洋因為小學時被老師當眾羞辱過,嘲諷佢係「藍廢紙」(指佢成績差,就如廢紙一樣),佢一直對呢一番說話耿耿於懷......就喺上年9月喺母校門外重遇呢一位老師,除咗直接用胸頂撞老師3次、拉扯,仲拎住紙弊摑老師。


事主接受東張主持李旻芳訪問,親述事件前因後果。事主指小學發生嘅事件對佢造成十分嚴重嘅創傷,好似小六時因為功課出錯而被罰「遊街示眾」(即是行去隔離課室)、因成績差被要求退學、被老師以鐵叉刺肚......



主持問到如果可以再返到重遇老師嘅一刻,會點樣做呢?事主就表示:「我再攞多d錢摑,起碼五位數」指老師視金錢為最重要,因此「財」就促成佢呢一個舉動,以表達不滿。其後又表示自己曾經從事金融經紀,不惜一切「搵快錢」...... 除咗以上嘅言論外,事主受訪戴上金鏈、金錶,希望用來證明自己係有能力。


全段訪問片段:


其實唔係話老師嘅行為、言論無問題,但事主用「暴力」、「炫富」嘅態度去解決問題,又係唔係正確呢?(如果真係要向老師、學校投訴,大可以用書信形式)

Ref: TVB

如果喜歡我們的文章,請即分享到︰

標籤: TVB  東張西望  李旻芳  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→