龔嘉欣孖何廣沛拍3日2夜,網民:史上最無睇頭!

小眼睛看大娛樂 於 24/03/2019 發表 收藏文章
尋日又播出新一集《3日2夜》,主角係上位小新何廣沛、龔嘉欣,目的地係美國夏威夷。兩位首次合作,仲要係拍充滿靚景嘅旅遊節目,相信都可以吸引到粉絲,同守住一班穩定觀眾!

但就有網民指出呢一集有兩宗罪,就係龔嘉欣身材無睇頭,同埋好似將旅遊節目拍到好似劇集咁⋯⋯




到底佢地兩位講咗D咩,而令到個節目好似拍劇呢?

一開始,節目就出現角色設定,龔嘉欣飾嘉欣、何廣沛飾Matthew,而嘉欣係一個剛剛失戀嘅女仔,而Matthew就係帶好朋友去旅行散心!希望自己可以用一程旅行,令自己由好朋友「升呢」做男朋友!


然後男生又話自己只係book咗一間房(嘩!真係好有劇情啊!)


然後又有送花環「示愛」橋段


老老實實,喺有陽光與海灘嘅地方拍節目,大家應該都係想睇兩位曬身材。何廣沛喺節目中有曬肌,而嘉欣除咗喺節目中有曬身材,都有再喺社交平台上曬靚相!




小編再睇節目時,就覺得好似四葉草時期嘅青春劇,可能係因為節目背景音樂播住星夢歌手嘅歌曲而影響到。至於係唔係當劇拍呢?確實任何節目都需要撰稿、資料搜集嘅工作人員,但呢一集語氣唔自然,又要用失戀旅行去包裝節目,呈現出來嘅效果確實充滿劇集味道。同埋唔好忘記呢個係旅遊節目,而唔係劇集,可以簡簡單單賣靚人靚景已經可以。定係擔心男女組合嘅《3日2夜》會唔夠吸引力?但相信應該唔關事,畢竟都唔係第一次出現男女主持,1月份嘅時候都有楊潮凱、蔣家旻。但都欣賞節目組有嘗試幫節目加入新方向,但好唔好就見仁見智喇!

Ref : TVB、Instagram

如果喜歡我們的文章,請即分享到︰

標籤: TVB  3日2夜  龔嘉欣  何廣沛  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→