黎諾懿「港普」片段IG下架,抽水做宣傳就算?

小眼睛看大娛樂 於 26/06/2019 發表 收藏文章
黎諾懿自TVB《如果這樣生活》大騷佢獨門嘅「港式普通話」後,上星期六 (6月22日) 又在Instagram 內上載一段疑似扮陳偉霆早前代言chanel 嘅短片,用作宣傳自己於7月1日播出的全新綜藝節目《懿想得到》。片段推出後已經引起極大迴響,不少網民聽完後都笑指「港普教父」確實實至名歸!


正當小編打算再一次重溫諾懿嘅普通話同笑聲時,就驚覺相關嘅宣傳短片已經在黎諾懿Instagram帳號內消失得無影無蹤,但就有更新3則與《懿想得到》相關的宣傳帖文,其中2則都是短片(都係廣東話),播出同嘉賓們(如:鄭伊健、李佳芯、李家鼎、麥美恩)的拍攝花絮,而另外一張就係諾懿專心砌甜品嘅相。



黎諾懿日前出席節目宣傳活動時,被傳媒問到係唔係「惡搞」陳偉霆時,佢都斷言否認自己有刻意,只不過希望娛樂大家呢!

其實即使黎諾懿大講「港普」嘅片段已經喺各大平台上瘋傳,但唔能夠喺佢Instagram 內再睇到又確實比較可惜啊!唔通TVB真係借「抽水」宣傳節目以及「國語教父」就了事?小編都明白節目本身係同普通話無關係,只係用嚟引起大家注意,但突然「下架」又比較離奇吧!或者係計劃開一個黎諾懿進修普通話的節目?

Ref: Instagram

如果喜歡我們的文章,請即分享到︰

標籤: 黎諾懿  TVB  港普  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→