黎諾懿扮陳偉霆宣傳新節目,網民表示「冇字幕會睇唔明」

小眼睛看大娛樂 於 23/06/2019 發表 收藏文章
黎諾懿早前在TVB節目《如果這樣生活》其中一集中大講「港式」普通話,當時身在雲南大理嘅佢喺街頭截車,佢問司機「可以車我過去嗎?」就係呢一個「車」字,配上諾懿一般般嘅普通話,馬上令相關片段成為熱話,更被專稱為新一代「港普教父」,諾懿其後都有喺Instgram、訪問上提到事件,更指「是唔緊要的 最緊要是勇於嘗試」。

「勇於嘗試」嘅佢,琴日就喺Instagram上載一段講普通話嘅短片,宣傳由佢首次擔大旗主持嘅綜藝節目《懿想得到》。片段中嘅佢就仿傚早前陳偉霆所拍攝嘅品牌廣告( 仲扮埋笑聲),「甚麼時候⋯⋯我30⋯⋯8歲那一年,我拍了一個節目」,同陳偉霆所拍攝嘅Chanel廣告同樣用時間、年齡做主題,不過小編就比較鍾意陳偉霆嘅果一句「喂,現在幾點!」但呢兩段片可以互相比較嘅地方,當然就係二人同樣被嘲笑嘅口音呢!



loading


陳偉霆 所拍攝的Chanel廣告 ( 普通話版 )

不少TVB藝人、網民都留言「支持」黎諾懿,唔少都慶幸有字幕出現!姚子羚、湯洛雯嘅留言都十分精警,分別話「你咁落力宣傳唔係唔睇吖嘛」、「我睇左啲咩」,劇集《BB來了》的拍檔李佳芯更簡單附上一個反白眼Emoji⋯⋯



既然黎諾懿咁有勇氣再講普通話,大家又會唔會有興趣試下唔睇字幕呢?

Ref:Instagram、YouTube


標籤: 黎諾懿  陳偉霆  TVB  普通話  

留言


請按此登錄後留言。未成為會員? 立即註冊
    快捷鍵:←
    快捷鍵:→