黎明一句完美KO電騙,重溫近年爆笑星級警方宣傳片!

小眼睛看大娛樂 於 01/04/2019 發表 收藏文章
今日係愚人節,令各大Facebook 專頁都「攞正牌」同大家玩一玩!連警方都喺社交網站上載一段「歌手黎X被內地富婆操控」嘅絕密錄音對話,對話中有一把同黎明好相似嘅男聲,同電話另一邊嘅女仔講起「我係黎明,我喺內地被富婆操控,迫我拍劇,唔該你用網上過數方法畀我吖,畀我脫身返嚟香港參加金像獎。」

女仔本身都不以為然,「黎明」就再話「成事後,個獎同獎金都歸你!」

「真 ‧ 黎明」都有喺片尾出現,話「我邊會拎到金像獎啊!」


一句簡單、精警嘅說話又就可以擊退電話騙徒,同埋都係用呢個例子去提醒大家要好好用下個腦,唔好就見到靚仔、靚女就畀人呃曬d錢喇!



呢段片點解會喺咁多段愚人節惡搞片段中突圍而出呢?(上載大約4個鐘已經有超過200個comments,同800個share)何解會咁呢?一來係用咗「金句明」明星效應,二來又用正近年唔少人都會曾經遇到嘅電詰騙案,睇落都更加有共鳴!

今次就起用「金句王」黎明都被唔少網民大讚「爆笑」,但警方起用明星去拍攝宣傳片都唔係第一次。
2018年12月 「警隊175周年同樂日」:


不得不提上年呢一段,關禮傑再次扮演劇集《叛逃》中所飾演嘅反恐特勤隊主管敖Sir,親身示範咩係應有嘅膽識,展現「世界級跳樓」絕技,仲要跳出宇宙!真係可以笑十年!




如果喜歡我們的文章,請即分享到︰

標籤: 黎明  警方  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→