"馬壯"黎諾懿曬《愛回家》聚會合照,網民召喚"回家"客串!

小眼睛看大娛樂 於 24/04/2019 發表 收藏文章
黎諾懿尋日喺社交網站上分享一張飯局嘅大合照,所出席嘅就係一班上一輯《愛回家》嘅一班抄扮演「查理斯律師樓」員工嘅演員們!姚瑩瑩、高海寧、岑杏賢、張達倫、莊思明、岑杏賢、朱滙林、羅天池等通通都有現身,場面真係令人懷念啊!

但數數下,另外兩位靈魂人物「查查」、「霞姐」楊卓娜,就未有出席飯局,但好在「霞姐」都有喺其中一張相中透過手機同大家合照(仲要係敷住mask~~)


2018年一眾演員同樣有聚會,黎諾懿仲留言寫上《愛.回家》主題曲歌詞:「在世間遮風擋雨有一種愛。」戲內戲外都係一個充滿愛嘅大家庭!


唔少網民見到合照後,都有喺post下留言,通通都係正評,紛紛表示好掛住上一輯《愛回家》一眾角色,特別係馬壯、霞姐,又希望可以見到各位演員有機會客串現時呢一輯《愛回家》呢!


小編就認為演員用律師樓角色客串嘅機會就唔大喇!畢竟依家已經係一個全新嘅熊家、威龍百貨等嘅故事,即使夾到檔期客串,都只可以係新身份嘅角色,就自然無咗果份味道呢!如果係精明嘅馬壯遇上金城安、「黑化」Terry,應該會幾有趣!定係打算等今輯大結局嘅時候先嚟一個驚喜現身?

Ref: Instagram

如果喜歡我們的文章,請即分享到︰

標籤: 愛回家  馬壯  TVB  黎諾懿  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→