雪兒出山拍《尋秦記》,網民:復活啊?

小眼睛看大娛樂 於 20/03/2019 發表 收藏文章
TVB 19年前嘅穿越劇,人氣一直高企!尋日古天樂出席旗下電影公司電影巡禮時,就宣佈自己親身搵當年有份參與劇集嘅演員:林峯、宣萱、郭羨妮、滕麗名同埋雪兒。當大家見到電影暫時嘅陣容時,除咗擔心無靈魂人物:「嫪毐」江華、「陶總管」歐瑞偉外,仲將焦點落入「中印混血兒」雪兒身上!


做咩會話雪兒「復活」?就有以下兩個原因:

第一:好長一段時間無拍劇

雪兒有參與過TVB十幾年前嘅《創世紀》、《尋秦記》,但自拍完《尋秦記》後,仲曾經喺2010年嘅時候闊別娛樂圈以相夫教子,過住少奶奶嘅生活!所以今次繼2017年時喺電影《殺破狼.貪狼》中飾演古天樂老婆一角後,再次「復出」參與電影!




第二:電視版角色已死

雪兒喺電視劇版《尋秦記》當中飾演「趙國公主」趙情,劇中打扮清秀,係一等一嘅美女一名。但係依據劇情當中,佢出場唔係太多時間就死咗,但都成功喺大家心目中留下深刻印象!



有網民開心雪兒有份參演電影《尋秦記》,但又好關心角色復活嘅問題,又指一眾女角已經差唔多去到50歲,又會唔會影響角色嘅設定呢?又會唔會已經不復當美態?




小編都好好奇《尋秦記》會唔會延續電視劇版當中嘅劇情,但作為穿越劇嘅表表者,編劇們就自然可以將雪兒嘅角色重新「復活」,又或者就咁重新創作一個新角色,同時希望可以填補到劇迷們當年嘅遺憾喇!

Ref: Instagram




如果喜歡我們的文章,請即分享到︰

標籤: 尋秦記  雪兒  古天樂  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→