陳法拉進軍荷里活,成第二位華姐拍出國際!

小眼睛看大娛樂 於 14/03/2019 發表 收藏文章
藝人陳法拉自告別TVB後,4年前就喺紐約嘅茱莉亞學院修讀4年制戲劇碩士課程,仲成為第一位華人畢業生!

醉心鑽研戲劇嘅法拉,離開TVB就將目標放得更遠,簽約美國金牌經理人,全力向荷里活進發!



近日HBO就發放短劇《The Undoing》(共6集)嘅演員名單,發現法拉都有份參演其中,飾演Jolene 一角!作為首部進軍荷里活嘅作品,即使只係有6集,但卡士絕對都唔惹少,包括澳洲女星妮歌潔曼(Nicole Kidman)、英國男星曉格蘭特(Hugh Grant),絕對可以為法拉打好頭炮!


但原來法拉並唔係第一位拍攝荷里活作品嘅「前」TVB女星,上一位有份參與荷里活拍攝嘅就係廖碧兒。佢喺2016年嘅時候喺馬來西亞拍攝電影《蒸發太平洋》,在戲中飾演一名女殺手,同時都係第二女主角,劇中男女主角分別係曾出演《超人-強戰回歸》嘅班頓羅夫(Brandon Routh)、「星女郎」張雨綺,都已經係一個唔錯嘅發揮機會!


其實陳法拉、廖碧兒兩位嘅發展方向都幾類近,兩位同樣都係經國際華裔小姐競選奪冠而加入TVB,不約而同都曾經以惹火身材而喺劇集中成為焦點,加上二人都未有奪得過TVB「視后」寶座,到依家先後進軍荷里活,未知會唔會同樣一齊有好成績呢?

Ref: Instagram

如果喜歡我們的文章,請即分享到︰

標籤: 陳法拉  廖碧兒  荷里活  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→