關智斌被女狂迷"搵上門",李施嬅攪笑話佢"魅力沒法擋"!

小眼睛看大娛樂 於 02/05/2019 發表 收藏文章
關智斌(Kenny)今日下晝時間喺社交平台上發長文,透露自己近半年一直被喺社交平台上被一名女士以留言、圖片騷擾,所提及嘅內容仲包括Kenny嘅電話、地址等,Kenny本年已經喺年初轉換新電話號碼,以為可以避過呢一個女士,但誰不知剛剛過去嘅星期二(4月30日)嘅晚上時間,呢一位講國語嘅女士仲現身Kenny所居住嘅大廈門口,用保安電話聯絡Kenny,以及佢嘅鄰居,造成嚴重滋擾,所以Kenny 先「忍無可忍」發長文,同時勸戒該位粉絲,希望佢可以去關注更多更有意義嘅事,又表示開始擔心自己人身安全.。




唔少Kenny嘅好友、藝人都有喺帖文下留言,再加提醒佢要事事小心,而李施嬅關心佢嘅同時,又攪笑話佢係因為「魅力沒法擋」,所以先引來呢一位瘋狂粉絲!


喺呢一件事上,大家除咗要關心「小斌斌」嘅安全外,如果身為粉絲(唔理你有無「追星」都好),係唔係應該反思一下明星、支持者間嘅關係應該點樣處理呢?如果係真心支持的話,係唔係好想見到對方受到傷害呢?(仲要係由你自己所造成)畢竟藝人都係屬於娛樂大眾嘅一個工種,身為粉絲始終都係應該將對偶像嘅熱愛放翻喺佢嘅作品、演出當中......

Ref: Instagram

如果喜歡我們的文章,請即分享到︰

標籤: 關智斌  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→