鄺潔楹告別娛樂新聞台,瞓身向劇集綜藝進發?

小眼睛看大娛樂 於 25/05/2019 發表 收藏文章
鄺潔楹(Judy)尋晚在社交平台上發相,分別係兩張同另一TVB娛樂新聞台主播周奕瑋(Jarvis)的合照,並寫上「就係咁,三年啦。多謝你 #娛樂新聞台」,表示自己會告別娛樂新聞台主播嘅崗位。Judy又取笑自己3年前嘅妝容「三年後,我地喺開廠期間笑我三年前既雙眼皮貼點解咁高個妝點解咁濃」。

Judy自2016年加入TVB後,除咗都有拍攝平面廣告外,第一項喺TVB嘅任務就係擔任娛樂新聞台主播,難怪佢會咁唔捨得!陳詩欣、朱智賢 、周奕瑋等娛樂新聞主播都有留言爲佢加油!


今次Judy告別娛樂新聞台,即係意味住佢會全力向劇集、綜藝進發?

其實Judy一直都主持、綜藝,而最令大家印象深刻嘅應該都係《3日2夜》、《學是學非》。

《3日2夜》
2017年就主持J2台旅遊節目《3日2夜》,因為喺節目中展示豐滿身材,令Judy獲唔少網民封爲女神。當時大家都估唔到細細粒的Judy原來咁有睇頭!

《學是學非》
其後又加入《學是學非》與梁嘉琪、麥美恩、湯洛雯、馮盈盈、劉穎鏇、張寶兒、何依婷一同擔任主持,大玩實驗、趣劇,盡展好動、活潑一面!又令節目主持嘅「顏值」更上一層樓當時節目介紹佢出場時就係用「仙氣」形容佢!


但劇集方面嘅產量就比較少,已經出街嘅只有《愛·回家之開心速遞》嘅「大學女神」Venus、2018年《果欄中的江湖大嫂》李夢露(青年)、2019年《福爾摩師奶》鮑妹娣(青年),都係戲份少嘅角色。

《愛·回家之開心速遞》Venus

但相信Judy脫離咗娛樂新聞主播行列後,大家就會有更多機會喺劇集、綜藝中見到佢嘅出現,更希望佢可以好好運用做主播時鍛練嘅說話、應變技巧,令佢唔止係飾演花瓶嘅角色,可以成為接棒嘅新一代小花!

Ref: Instagram、TVB


如果喜歡我們的文章,請即分享到︰

標籤: 鄺潔楹  TVB  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→