郭子豪急澄清「偷食港姐」傳聞,怕繼「醉駕」後一再影響形象?

小眼睛看大娛樂 於 22/05/2019 發表 收藏文章
TVB嘅新晉「大隻仔」郭子豪日前就兩個月前酒後駕駛一事,現身法院承認控罪,並獲准保釋候審,據知當中有4封求情信,其中一封更係由資深藝人所撰寫。其實郭子豪事發後,除咗有指部份活動被抽起,但佢不時都有現身星期日播出嘅遊戲節目《娛樂大家》,而且差不多每一集都有出場的機會。


到今日,郭子豪又被傳出背住正印圈外女友Karen「偷食」2018年香港小姐亞軍兼最上鏡小姐鄧卓殷(Amber)。有指二人係因為一同拍攝《娛樂大家》而撻著,更被傳媒影到孖住疑似新歡郭子豪睇樓,疑似築愛巢。不過鄧卓殷早前就宣佈同經常分隔兩地嘅男朋友結束6年情......

鄧卓殷

偷食傳聞被爆出後,郭子豪好快就喺社交平台上作出澄清,指由於涉及圈外人,所以一直沒有交代自己的感情狀態,並提到二人已經分手,又希望可以給予一定嘅空間。但喺字裡行間無提到同Amber間嘅關係。


郭子豪今次回應得都算係幾快,唔知係唔係因為近月TVB先後有「偷食」、「小三」等新聞有關呢?佢今次極速回應,不禁令小編回想起佢當時涉醉駕後「講大話」指自己當時無外出,後來先再承認自己醉駕,誠信確實令人懷疑。今次嘅極速回應,一方面係澄清傳聞,另一方面都係想為自己嘅形象「洗底」?

Ref: Instagram

如果喜歡我們的文章,請即分享到︰

標籤: 郭子豪  鄧卓殷  娛樂大家  TVB  偷食  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→