追夢新聲Oscar Tao 同你二人一世界

小眼睛看大娛樂 於 13/03/2019 發表 收藏文章
成日都有人話「廣東歌已死」,但其實只要用心發現,就會知道有唔少一直堅持追尋音樂夢,努力展現廣東歌當中嘅可能性,用心唱出一首首好歌!今年樂壇就出現一把新聲音:涂毓麟(Oscar Tao),用新歌話畀你知追尋音樂夢同追女仔一樣都要全情投入!


《全民造星》「彈」出音樂夢

講到Oscar追尋音樂嘅起點,就要倒流去讀書時期。Oscar 畢業自英國名校哈羅公學,仲曾到英國皇家音樂學院教授深造,識得彈鋼琴、小提琴、中提琴、管風琴,完全充斥住濃厚嘅古典音樂氣質。

但Oscar初次展現自己對音樂、歌唱嘅熱愛,就係上年由Viu TV舉辦嘅選秀節目《全民造星》。Oscar喺節目中經常自彈自唱,更曾經演唱過原創歌曲《夢》,獲得唔少好評!雖然喺節目第33集被淘汰,又被評判蕭定一指英文名普通,但機緣巧合下又獲得節目導師劉美君推薦加入環球唱片,正式踏入樂壇!


Oscar做歌手嘅同時,現時仲就讀於香港科技大學,一人身兼兩職,用行動證明自己對音樂嘅堅持!


開拓Oscar的二人一世界

Oscar推出嘅首支單曲《二人一世界》,集合強勁嘅幕後班底,由Eric Kwok(郭偉亮)、填詞人林寶炮製,Eric Kwok仲親自操刀與Eye Fung共同作曲,並連同編曲人張子堅為歌曲監製。歌曲走小清新路線,旋律輕快,正正為年青、公子氣質嘅Oscar 度身訂造!歌詞簡單直接,配上Oscar喺MV入面情深款款彈鋼琴,再用溫柔嘅聲線唱出一份羞澀嘅愛情「行人路上我獻醜輕吻著你 賞不賞識我這種莽撞」,同時展現出對熱戀時與世隔絕嘅甜蜜「如天空不見了 海都不見了 此際大世界 得一位緊要」,世界發生任何事都唔會影響,彼此心目中只有對方!

大家都快D聽下首歌喇!

《二人一世界》MV


MV Behind The Scene

標籤: 涂毓麟  二人一世界  OscarTao  

留言


請按此登錄後留言。未成為會員? 立即註冊
    快捷鍵:←
    快捷鍵:→