謝安琪耳機失靈仲自彈自唱,網民轟工作人員唔幫手!

小眼睛看大娛樂 於 13/03/2019 發表 收藏文章
尋晚Viu TV現場 轉播喺會展舉行嘅KKBOX香港風雲榜頒獎典禮,呢個活動係第一年喺香港舉行,已經令唔少樂迷十分期待!頒獎典禮係按照音樂平台嘅播放率高低,從而選出香港嘅「十大風雲歌手」。

事前唔少人都會比較關注有份出席嘅2位TVB星夢娛樂旗下歌手:胡鴻鈞(Hubert)、菊梓喬(Hana)完整地亮相於Viu TV,大家就正正係關注廣東歌,希望唔好受住電視台因素而影響大家聽歌!

但到謝安琪(Kay)演出嘅一刻,耳機突然故障,令佢聽唔到音樂、歌聲,而導致連番失準,仲被影到有少少黑面。

當時Kay係剛剛唱緊第一首歌《羅生門》,已經連番用手勢示意耳機出現問題,但都未見有工作人員幫佢換另一個耳機,但佢都有堅持唱落去......


到再同樂隊Rubber Band成員6號合唱,但仍然從直播中聽到Kay有甩Beat、走音情況。喺惡劣嘅表演情況下,Kay都有再表演落去,聯同Supper Moment主音Sunny 自彈自唱《Shallow》。

而KKBOX Facebook 專頁尋晚都無上載Kay 、Supper Moment有份演出嘅部份,只有張敬軒、胡鴻鈞、容祖兒嘅演出片段,又有網友留言指「你個野壞咗啊!」


大家一方面大讚Kay堅持演出,仲話耳機失靈下嘅表演都已經「算係咁」,但又有人指大會工作人員因咩事而唔馬上幫手解決器材問題,影響歌者、樂迷嘅心情!




Kay嘅老公張繼聰尋晚出post,支持阿Kay:


重溫一下Kay 喺叱咤樂壇流行榜頒獎典禮當中唱嘅《羅生門》:



小編尋晚睇轉播時見到Kay 當下壞耳機時嘅無助,畢竟Ear Mon 對歌手喺大場地演出時係十分重要,所以都好佩服Kay 喺無音樂聲,又聽唔到自己把聲嘅情況下完成不過不失嘅一場演出,都希望下次要注意一下器材管理上,令歌手、樂迷都可以盡興而歸!

Ref: Instagram、Youtube

如果喜歡我們的文章,請即分享到︰

標籤: 謝安琪  羅生門  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→