袁偉豪被指"扮大明星",親身反撃"無資格評論我XX" !

小眼睛看大娛樂 於 09/04/2019 發表 收藏文章
成日都會喺社交平台上見到唔少人會分享自己遇到明星、同明星合照嘅經歷,大多都係表現興奮、開心!但早幾日就有一位網友分享遇到TVB男藝人袁偉豪嘅一段不愉快經驗!



網友直接喺袁偉豪嘅微博上留言,指自己有一次喺點心店見到有一位女士搵袁偉豪合照,直指袁偉豪影相時都有笑容,但合照過後就馬上無表情、「黑面」。作為旁觀者嘅網民更強調「扮大明星原來是這樣,何況不是大明星」。


對於以上嘅指控,袁偉豪都有用長文回應網民,指出對方係無資格評論佢嘅人品,又指自己只係想喺合照過後享受自己嘅私人時間呢!

又用「我真的不是什麼大明星我只是一位演員!」回應被指「扮大明星」嘅說法!


後來,網民再留言指自己其實一直都覺得袁偉豪嘅演技唔錯,但可惜就畀佢見到當時嘅一幕.......


小編覺得就呢件事上,該位留言嘅網民其實本身只係講出「袁偉豪同粉絲合照後黑面」就可以,大家當下應該都可能會話「對方會唔會係太攰啊?」而唔係加上自己嘅主觀評論,直指對方係「扮大明星」,但其實又何謂真正嘅「大明星」表現呢?

至於袁偉豪嘅直接回應,都回應得十分詳盡、得體,起碼令佢嘅粉絲知道大家彼此都要有所尊重,滿足粉絲要求嘅同時,都希望可以保留一點點休息時間。

Ref: Instgarm、Weibo


標籤: TVB  袁偉豪  

留言


請按此登錄後留言。未成為會員? 立即註冊
    快捷鍵:←
    快捷鍵:→