蘇永康IG撐鄭秀文,與網民起罵戰被指"你咪又一樣"!

小眼睛看大娛樂 於 19/04/2019 發表 收藏文章
尋日下午鄭秀文(Sammi)喺Instagram上發文表示原諒老公許志安嘅偷食行為,同時表示會同佢一起度過艱難時期。呢一番由Sammi發出嘅回應,有人指佢十分大方,又有人指佢係被要求幫安仔說好話⋯⋯二人嘅好友,梁漢文喺回應傳媒嘅時候,表示自己覺得Sammi 嘅回應係好感動,而另一位好朋友蘇永康就有喺Sammi嘅IG post 下留幾個emoji,但就引起一輪罵戰!




喺蘇永康留言後,有網民就指「話吓你老友喇X」、「佢咪又係同類,有乜資格話?」⋯⋯之後有一名網民tag佢,同時寫上「你咪又一樣」,跟住其他網民再加入,重提佢曾經吸毒、離完又再結婚嘅往事⋯⋯蘇永康竟然上水回覆:「如果我係一樣的話,呢啲只係我與我太太嘅事用不著你多咀。」


小編覺得其實蘇永康都只係就朋友身份表示支持,網民今次又未免太過激動,而且有必要將其他人過往嘅錯事放入今次事件中討論嗎?大家一人少句啦!

Ref:Instagram

如果喜歡我們的文章,請即分享到︰

標籤: 蘇永康  鄭秀文  許志安  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→