蘇永康讚"微辣"澳門美食片,創辦人尷尬話"好似無睇過"!

小眼睛看大娛樂 於 29/04/2019 發表 收藏文章
尋晚播出嘅TVB綜藝節目《娛樂大家》,就以大家日常接觸得最多嘅社交平台做主題。除咗一貫嘅分組搶答、「Cheat Chat」遊戲部份外,也少不了「Lisa姐」汪明荃邀請嘉賓作訪問!今集「Lisa姐」訪問嘅來自澳門嘅網絡平台創辦人「六毫子」陸志豪,暢談喺網絡上嘅「吸睛」心得!

小編本身喺睇睇下訪問途中,發現呢一個環節嘅「爆笑位」係去咗主持人「啊公」蘇永康身上。

六毫子:「我地其實主要做好認真嘅內容,認真地攪笑⋯⋯我地用樂觀嘅方式去包裝悲劇⋯⋯」
蘇永康:「譬如話,我睇過你地一段介紹澳門嘅美食,但你地用嘅方法唔係一般電視台嘅方法」
蘇永康:「你介紹下吖!」

六毫子:「好似無睇過呢條」(然後森美率先哈哈大笑,汪啊姐都問啊公係唔係睇錯另一樣)
蘇永康:「你係老闆,公司有幾百條片,好難講嘅⋯⋯」


其後,六毫子已經試圖將話題轉返去,講自己公司影片嘅特點就係內容輕鬆有趣、同觀眾有共鳴。誰不知啊公再將話題轉返去佢所講嘅澳門美食短片,同啊姐講「條片係講澳門地道美食,就用澳門人嘅角度去睇,但就唔係下下讚」。

蘇永康再問六毫子:「你記得啊?」,對方回應話「其實我都唔係好記得,但我盡量答!」接住就馬上話其實條片幾好睇!坐喺六毫子身旁嘅楊千嬅都忍唔住大笑。


最後,森美、啊姐就「打完場」,話其實作爲微辣嘅CEO,有時記唔起有邊一段片都唔出奇。

到底呢一段片係唔係真係存在呢?有網民就提到喺YouTube上搜尋「澳門美食 微辣」就可以搵到。小編就發現一段係美妝Youruber同微辣合拍嘅澳門美食片,唔知算唔算呢?


仲有一段係微辣旗下藝人「雞Wing」嘅澳門人情味飯店 輕鬆篇,但都唔係出自微辣Youtube......



老實講,雖然呢一部份嘅對話好笑得來又充滿尷尬,但小編睇完尋晚嘅《娛樂大家》後,就覺得訪問呢一部份出乎意料地成為節目嘅亮點,更可以話係一個「必睇位」!回想起節目播出第一集嘅時候,小編當時就覺得呢個部份有點同節目唔夾,又比較無娛樂性。因為當時係用「贏在起跑線」做主題,節目組就邀請小學校長、曾到海外升學嘅麥明詩、郭子豪同一眾主持討論,節目秒變升學攻略,略爲奇怪!同時,小編都好奇節目組點解唔將呢一部份「重拍」呢?如果段澳門美食短片唔係真實存在,就會突顯主持人喺呢一個認真環節中準備不足,訪問前無了解清楚被訪者嘅資料。

Ref:TVB、YouTube

如果喜歡我們的文章,請即分享到︰

標籤: 蘇永康  微辣  娛樂大家  TVB  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→