蔡思貝中長髮演"鐵探",被讚演技顏值"洗底成功"?

小眼睛看大娛樂 於 27/04/2019 發表 收藏文章
蔡思貝最近喺劇集《鐵探》中飾演卧底警察,同「垶Sir」袁偉豪、「快活谷」梁競徽 、「Matt Sir」有唔少對手戲。有網民就認為蔡思貝嘅演技有進步,唔再係從出道時期嘅衝動、煩音角色!

其中《鐵探》第二集中,蔡思貝飾演嘅「招喜悅」身為臥底幫助毒品調查科,不惜以身試毒,當中因爲吸入過量毒品而興奮、身體抽搐嘅演繹,就得到唔少網民大讚演得逼真呢!又指「唔會再覺得佢好嘈」⋯⋯


到早幾日嘅一集,招喜悅、快活谷都喺法庭前遇上黑幫成員,招喜悅叫「正龍」(楊潮凱 飾)交出身份證作檢查嘅時候,講出「我叫你做咩就做咩,身份證丫」,然後正龍就故意將身份證拋落地上,招喜悅就輕輕一笑然後再話「唔緊要,執返上嚟」即使呢段係港式警匪片中常見嘅戲碼,但蔡思貝都保持住冷靜、成熟嘅語氣,而唔再係突然高音講對白。


除咗演技外,蔡思貝喺鐵探嘅髮型都受到討論,有網民就討論張蔡思貝喺《鐵探》嘅中長髮造型,指長髮時期嘅佢有更高顏值!「佢長髮好睇好多」、「佢keep長髮啦 短髮真心聯想起達哥呢」、「踩過界之後,另眼相看 越睇越順眼」⋯⋯


初出道至近期嘅短髮造型,就一直有意見指佢太男仔頭,以及同達哥「嚴重撞樣」,有唔少負評!


小編再回想起蔡思貝喺2016年時,曾經喺劇集《鐵馬戰車》(袁偉豪爲男一)中飾演由警察公共關係科轉往交通部嘅「貝心柔」,角色性格單純、活潑熱情、富正義感又衝動,被網民賦予「女版吳卓羲」稱號,同時指佢把聲好嘈,散發出煩音!




但近年喺《踩過界》、《大帥哥》、《鐵探》都令人覺得「佢係有進步嘅⋯⋯」,都睇得出佢係用心機演出,小編都覺得佢係有進步,而且都係受住角色設定所限制,但又可唔可以叫做「洗底」成功呢?(可能要再睇多幾套劇集)

Ref:TVB、Instagram

如果喜歡我們的文章,請即分享到︰

標籤: TVB  鐵探  蔡思貝  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→