菊梓喬唔識玩Liza Magic,網民話唔怪得TVB只係叫佢唱歌

小眼睛看大娛樂 於 13/05/2019 發表 收藏文章
TVB綜藝節目《娛樂大家》其中一個遊環環節係《Liza Magic》,自推出以來,喺討論區上都有一些網民表示唔明白遊戲的玩法、用意,又要估估下,睇得唔太過癮。其實Liza Magic同Black Magic的玩法相似,是要靠自己去領略隱藏當中嘅規律,所以就係「成也自己,敗也自己」!即使節目組喺字幕上都為觀眾們提供「清楚」嘅提示,例如:喺「落車地點」中,用上鮮明嘅顏色將重點標記,但參賽嘉賓嘅反應都依然係亮點!

尋晚播出嘅一集,第一回合就係「估森美鍾意人點叫佢」,然後啊姐就講出一堆稱呼,好似「大舊衰」,森美就表示唔鍾意人叫佢「大哥」,一眾嘉賓 連詩雅、周柏豪等都有不斷提出其他稱呼,跟住幾位嘉賓都成功過關後,主持余德丞就問:「Hana點睇⋯⋯」,Hana重覆森美講過嘅稱號,又舉出一個錯嘅「好好先生」,臉上流露出迷惘嘅表情,其後都無太多發言⋯⋯直至去到最後,麥明詩話只要係好衰嘅森美都會鍾意,Hana先可以講出答案成為「最後一個」過關!


到第二回合「估出數學題答案」,當大家一直講出「4+4=8」、「1+4=7」⋯⋯周柏豪、麥明詩係最快洞悉算術題然後過關,轉數果然快!而Hana仍然係未發言,到最後佢同丁子朗、連詩雅都拆解唔到。



有網民見到Hana呢兩個回合嘅表現都唔係好好,只得其中一個遊戲剛剛過關,就指佢「好蠢」,又話原來TVB只係安排佢唱歌係有原因嘅⋯⋯


小編尋晚都有睇到呢一個部份,其實唔明遊戲嘅嘉賓都大有人在,而且個個都識玩就未必有咁精彩嘅節目效果!但確實Hana係喺星夢歌手中比較少亮相綜藝節目,又無份主演劇集嘅一位呢!

Ref:YouTube

如果喜歡我們的文章,請即分享到︰

標籤: TVB  娛樂大家  Hana  菊梓喬  星夢娛樂  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→